la laxma'i spaji spaji

me la nipon smoka : Japanese socks

2009-05-07T00:37:00.008-04:00

ni'o fy cy noi ke'a pendo mi ku'o pu ponse re me la'o zoi The Japanese Language zoi ne fi'e la'o zoi Haruhiko Kindaichi zoi gi'e dunda pa ra mi .i mi ca ba'o tcidu re fi'u ci ra gi'e se spaji lo du'u mi xo kau cmila .i sitna fi

lu zu'u ga nai cusku zoi zoi yok' a nai zoi to'i lu la'e di'u na'e xamgu li'u toi a zoi zoi yok' a nakuttemo ii zoi to'i lu a'u cu'i la'e di'u na'e xamgu li'u toi gi simlu lo ka jursa kei lo te cusku .i zu'u nai ga nai ku'i zoi zoi yo zoi a zoi zoi wa zoi se jmina li'o sa'a gi le cinmo jalge cu zenba lo ka ce'u ralci .i la'e di'u simsa le tcaci noi ke'a nu dasni la'e zoi zoi tabi zoi no'u va'i lo me la nipon smoka te zu'e lo nu fanta lo nu lo jmadegji cu se viska noi ke'a tolclite li'u

My friend P.S. had an extra copy of Haruhiko Kindaichi's The Japanese Language & gave it to me. I'm about two-thirds of the way through, & have already had more laughs than I expected. An excerpt:

If one says, yok' a nai (that's not good) or yok'a nakuttemo ii (I don't care if it's not good), it sounds assertive and harsh. If yo or wa are added, however [...], the emotional impact can be softened. It is akin to the custom of wearing tabi, or Japanese socks, to prevent one's individual toes from being seen, which would be unrefined.

ro zo'e noi mi ke'a zukte au : Whatever I want

2009-02-19T23:13:00.014-05:00

ni'o nandu fa lo nu ru'i jundi le nuzba porsi noi la'a ke'a ba flecu pe'a pa'a lo'e carvi carmi ra'i lo nu gasnu lo nu loi catnrpepiskopo pe la jdaca'i bunsi'u bo bende pe la noi ke'a cesyvu'e pius poi pa no moi ge'u goi la'o zoi FSSPX zoi cu za'u re'u lijda cmima

i lo nuzba pe le cabjeftu zo'u la'o zoi Richard Williamson zoi goi ko'a zi'e noi ke'a glico je catnrpepiskopo cu ba bilga gau ku lo nu cliva to'i sanbau ce glibau toi la arxentinas kei ki'u ge po'o nai lo nu xusra lo du'u la'o zoi Shoah zoi na fasnu gi ji'a lo nu ciska ticysku fi lo catni be lo fange xabju .i sa'u nai ge cusku lo se du'u se jibri fi'o kagni la'o zoi La Tradición zoi noi ke'a nalkemtruci'e girzu gi ku'i da'i nai jatna le jdaca'i ckule po la'o zoi FSSPX zoi

ni'o ve cu'u la'o zoi Passport zoi noi ke'a samkarni se pa'u la'o zoi Foreign Policy zoi ku'o la'o zoi Rebecca Frankel zoi se raktu .i lu xu la'o zoi Williamson zoi ca ba'o flalu zekri zukte li'u preti fi le go'i .i mi smadi spuda le go'i lu ja'a go'i li'u .i lo nu da ticysku fi lo catni be lo fange xabju be'o po so'a jecta cu se jalge lo nu da ka'e se sfasa .i ko'a ga nai nalpalci da'i gi ga se sfasa fo lo nu pleji de gi na se sfasa .i je ku'i va'o lo nu ko'a gunma xebni gi'e ka'e trina je ctuca lo drata ke gunma xebni kei cu nandu fa lo nu tolzau lo nu zo'e pe la arxentinas bigygau ko'a lo nu ko'a cliva .i ra ckape lo'e xabju be lo fange jecta .i le se go'i cu mleca lo'e je'acmi lo ni selcru be zu'e ce'u

ni'o su'o da xi pa kucli lo du'u ko'a ba klama ma kau .i mi kakne lo nu jungau do le se go'i .i ko'a ba klama la gunma nolraiseltru noi ko'a je'acmi ke'a .i no drata jecta ba selxa'u rinsa lo fange je la'orxi'o je krici be lo du'u la'o zoi Shoah zoi na ca'a fasnu

ni'o xu do djuno lo du'u ko'a ta'e te karni

ni'o do ky dy noi ke'a pendo mi cu simsa lo ka mi cusku fi ce'u fe lu lo se dunda be la cevn bei fi ma'a cu ca carvi .i ui cai sinma la cevn io cai i'o cai li'u

ni'o lo cnino datni zo'u ko'a ca ba'o xrukla la britn

It is hard to keep up with the ongoing developments that threaten to flow like a torrent from the lifting of the excommunications of the bishops of the Society of Saint Pius X.

This week's nugget: English bishop Richard Williamson is being expelled [Spanish, English] from Argentina not only because he denies the Holocaust, but also because he apparently fudged his residency forms, saying he worked for an NGO called "La Tradición" rather than that he was the director of the SSPX seminary.

Over at Passport, a blog of Foreign Policy, Rebecca Frankel is freaking out. "Has Williamson broken any laws?" she asks. I'm going to guess that the answer is yes. Lying on your immigration or visa forms will leave you subject to punishment in just about any country. Now granted, if he were a decent person, he might be punished with a fine, or not at all. But since he is a bigot in a position to attract & teach other bigots, it's hard to blame Argentina for booting him out. This is the risk you take when you live abroad. You simply don't have the rights of a citizen.

Some have wondered where he will end up. I can tell you. He will end up in his home country of the United Kingdom. No other country will accept a foreign Catholic Holocaust denier.

Did you know that he has a blog?

As I said to my friend K.D., "It's raining grace. Hallelujah."

Update: Williamson has returned to Britain.

ma dasni lo palku : Who wears the pants?

2009-02-03T16:48:00.025-05:00

ni'o pu zi ca'o tolcando bu'u le cmarai be le'i jecta be bu'u le terdi .i ru'a so'i prenu ca di'i nai vitke pe'a fi ly my sy sy te zu'e lo nu troci lo nu jimpe fi le se go'i kei kei gi'e ku'i penmi pe'a po'o lo sebri'a nunsma

.i je'u au mi cusku so'u po'o da .i ju'o le bi'u nai fasnu cu mutce co zdile mi

ni'o sa'u le jatnrpapa cu jdice ci cinri no'u la'e di'e

.i tu'e pa mai de'i li no pa pi'e re vo cu gasnu lo nu za'u re'u cmima fa le poi ke'a pu se tolcmigau fi le la'orxi'o se lijda ku'o vo catnrpepiskopo po la jdaca'i bunsi'u bo bende pe la poi ke'a cesyvu'e pius poi pa no moi ge'u goi la'o zoi FSSPX zoi to la'orbau se krasi toi .i la'e di'u ze'a lo masti be li so'o cu se pacna fi li pi so'a .i ba bo zi lo cacra be li so'o be'o pa le'i catnrpepispkopo no'u la'o zoi Richard Williamson zoi fi'o tivni zo'e pe bu'u la sferies cu tolmipri lo du'u ri krici lo du'u la'o zoi Shoah zoi na ca'a fasnu

.i re mai de'i li no re pi'e no pa cu gasnu lo nu la'o zoi Gerhard Maria Wagner zoi cu catnrpepiksopo vipsi bu'u la lins .i ra krici lo du'u la nuorlynz se sfasa fi lei pe ri melbi ke nungle vecnu

.i ci mai de'i li no re pi'e no vo ba lo nu ge la noi dotco turnrkanslere angylys merkyl gi lo drata cu pante cu carmi co cpedu lo nu la'o zoi Williamson zoi xusra lo du'u la'o zoi Shoah zoi ja'a fasnu tu'u

ni'o je'u ru'a mi ba te pinka fi so'o da no'u la'e di'e

.i tu'e pa mai e'o za'u a'o sai simsa

.i re mai pe'i lo nu zo'e pe la'o zoi FSSPX zoi za'u re'u cmima cu xautce .i lo du'u ra loi bropre cu nalnei cu gu'e nai cnino gi gu'e nai se mipri gi nai krinu da'i nai be lo nu ra se tolcmigau .i zu'u curmi lo nu da poi ke'a srera ja xenkai cu la'orxi'o se lijda .i zu'u nai tolcru lo nu da gasnu lo nu de catnrpepiskopo va'o lo nu le jatnrpapa cu na'e zanru .i ja'o le bi'u nai catnrpepiskopo gau ku cu za'u re'u cmima mu'i lo nu tolzau le nu vo'a gau ku pu catnrpepiskopo se mu'i lo nu vo'a de'i li pa so bi bi cu se tolcmigau tu'u

.i na fanmo .i cinri mi fa lo nu ma kau selyli'e fasnu

ni'o ga la'o zoi Williamson zoi gi la'o zoi Wagner zoi krici la'e de'e .i mi na satci cusku lo se du'u ma kau krici ma kau .i bo e'u le selci'i tcidu cu te preti fo la'o zoi Google zoi

.i tu'e su'e ci no no ki'o bropre ca'o le re moi ke terdi nunjamna cu se catra
.i bilga lo nu tolselcru lo nu lo ninmu cu ve balcu'e
.i lo nalfange cu zukte la me li no so pi'e pa pa
.i la noi ke'a cambi'e katrinas cu ve sfasa fo la cevn
.i le tsunami be de'i li re no no vo cu ve sfasa fo la cevn
.i xebni la'o zoi Harry Potter zoi mu'i lo nu ri'a tu'a ri cu zenba lo ni la satan se jdasinma ce'u
.i xebni la'o zoi The Sound of Music zoi
.i loi ninmu cu bilga lo nu na dasni lo palku to'i fi'o se tugni mi vau zo'o sai toi tu'u

There's been a lot of activity in the world's smallest country lately. No doubt many have been coming to LMSS to try to make sense of it all, only to be faced with a frustrating silence.

It turns out I don't have much to say, other than I am finding the events highly entertaining.

To sum up, the Pope made three interesting decisions:

1. On 24 January he reinstated the four excommunicated bishops of the Society of Saint Pius X, as has been expected for months. Hours later, one of the bishops, Richard Williamson, outed himself as a Holocaust denier on the television in Sweden.

2. On 1 February he appointed Gerhard Maria Wagner to be auxiliary bishop of Linz. Bishop Wagner believes New Orleans was punished for its beautiful whores.

3. On 4 February, after an international outcry including German Chancellor Angela Merkel, he demanded that Williamson recant his views on the Holocaust.

OK, I guess I have a few things to say.

1. More of this, please!

2. I think the reinstatement of the SSPX is a fine idea. Their anti-Semitism is not new, nor is it a secret, nor was it the reason for their excommunication. You can be wrong or hateful & still be a Catholic. You can't consecrate a bishop without the Pope's approval. So the bishops were reinstated as laymen for repudiating their own consecration for which they were excommunicated in 1988.

This ain't over yet; it'll be interesting to see how it plays out.

Here are some of the beliefs of Williamson & Wagner. I won't bother to say which is whose; the interested reader can ask the Google.

Believes 300,000 Jews were killed during the Second World War.
Believes women should not be allowed to attend university.
Believes 9/11 was an inside job.
Believes Hurricane Katrina was punishment from God.
Belives the 2004 tsunami was punishment from God.
Hates Harry Potter for spreading satanism.
Hates The Sound of Music.
Believes women should not wear pants [ed. note: I agree with this!!!].

jai se sisku je jai se djica : Wanted and desired

2008-12-03T23:34:00.007-05:00

ni'o la raimund liblin noi ke'a jbena fo la frans gi'e jecta se gugde la polskas gi'e xabju la britn ku'o de'i li pa so ze ze cu zekri gletu lo pa nixli be fi'o se nanca li pa ci bu'u la los anydjylys .i ry ly te zu'e lo nu na binxo lo pinfu cu klama la frans gi'e ba bo na xrukla lai iunaityd steits .i ca ku pu zi gubni fa lo velji'i be lo du'u le flalu pruce cu na'e curve .i ja'e bo ry ly ca lo prulamdei cu cpedu lo nu co'u xusra lo du'u ry ly fuzme la'e de'u

ni'o mi ca'o pi ro ba'u le ca djedi cu fengu fi le bi'u nai nuzba .i lu raimund liblin li'u jbena cmene la roman poluanskis goi ko'a

.i ju'o cu'i ko'a xusra lo drani no'u lo du'u le flalu pruce pu na'e curve .i je ku'i ju'o sai ko'a zukte le zekri .i se ki'u bo mi na jimpe lo du'u ko'a ki'u ma kau cu gasnu lo nu le cuntu cu di'a se casnu

.i mi fengu fi ge po'o nai lo du'u ko'a rivbi lo nu ko'a se sfasa kei se ja'e lo du'u ko'a ricfu je misno gi ji'a lo du'u ko'a ba'e fange je co'e bi'u nai to .i ri ka'e te darlu fi so'i prenu gi'e se kakne se ciksi mi toi

ni'o ta'o nai ai au mi ba zgana la'o zoi Roman Polanski: Wanted & Desired zoi noi ke'a skina lo nu ciksi le krinu be lo nu da'i co'u xusra lo du'u fuzme

Back in 1977, Raimund Liebling, a French-born Polish national & British resident, raped a 13-year-old girl in Los Angeles. Rather than face jail time, he went to France & has not returned to the United States since. Recently some evidence has come to light that the legal proceedings were tainted, prompting Liebling to request yesterday that the charges against him be dropped.

I was angry about this news all day. Raimund Liebling is the birth name of Roman Polanski.

Maybe he's right & the course of justice was indeed technically perverted. But there is no doubt that he committed the crime. So I can't understand why he's bringing this up.

I'm angry not only because he has evaded punishment due to his wealth and fame, but also because he has done so as a foreigner (a perhaps controversial feeling that I can explain.)

Anyway, I hope to see this movie, Roman Polanski: Wanted & Desired, wherein the grounds for dropping the charges are explained.

tcica : Fakery

2008-12-02T22:08:00.004-05:00

xu do morji lo du'u bu'u la irunias ueleias cu facki fi lo traji be lo ka ce'u purci bei fo lo'i selci'a be bau lo bangrxeuskera

.i ca ku ba'o jarco lo ka jai tcica to ki'e la'o zoi Language Hat zoi toi

Remember when they found the earliest inscriptions in Basque at Iruña-Veleia?

Turns out they were fake. (H/t: Language Hat)

denci jo'u tuple bo bongu jo'u kerfa bo re mei : A tooth, a femur, two strands of hair

2008-11-21T23:47:00.006-05:00

xu do morji lo du'u zo'e kakpa lo bongu lo cnita be lo selfityjbu po le pe la frombork banli malsi gi'e xusra lo du'u mutce co krici lo du'u bongu la kopernik

.i ginske jarco lo ka co'e je'u

Remember when they dug up some bones from underneath the altar in Frombork Cathedral & said they were pretty sure they were Copernicus's?

Turns out genetics says they are.

bersa lo fange nerkla : Immigrant's son

2008-11-09T19:31:00.012-05:00

ni'o mi ba lo nu la byrak obamas se cuxna ja'e lo nu binxo le bavlamji ralja'a be lai iunaityd steits cu cusku fi ro ba'u da fe lo du'u o bu ba pa moi lo'i panzi be lo fange nerkla be'o poi ke'a ralja'a .i krinu lo nu mi na pu se jungau fi le se go'i kei fa lo du'u jitfa

.i so'e prenu cu spuda fi lo nu lu pau la djordj uacyntn li'u preti .i ku'i le lanzu be u bu pu pu zu co'a xabju la vrdjiniys .i la djan noi ke'a patfu be le pafpa'u be u bu cu du le pa dzena ke fange nerkla be me'e zo uacyntn gi'e nerkla de'i li ji'i pa xa mu ze

.i la martn van biuryn ca lo nu verba cu se bangu le bangrnederlanda i ku'i lei dzena be le go'i pu lo nu le go'i cu jbena kei zu lo nanca be li su'o pa no no cu nerkla le bemro tutra

.i la andrus djaksn bersa le mamta e le ju'o ru'e patfu vu'o poi ke'a jbena fo la'o zoi Carrickfergus zoi ca lo nu ri se stuzi la airlynd .i nau se stuzi la berpau be la airlynd

In the wake of the election of Barack Obama to the presidency of the United States, I told everyone that he'll be the first immigrant's kid to become president. The reason I hadn't heard mention of that is because it's false.

Most people respond by asking, "What about George Washington?" But his family had settled Virginia early on. Of the Washingtons, his great-grandfather John was the immigrant, arriving in around 1657.

Martin Van Buren grew up speaking Dutch; still his forbears arrived in America over a century before his birth.

It is Andrew Jackson whose mother & purported father were born in Carrickfergus (then in Ireland, now in Northern Ireland).

lu ki'u ma mi'o na klama lo xaskoi li'u : "¿Por qué no vamos a la playa?"

2008-07-25T10:50:00.005-04:00

ni'o lo bi'u re mei pu simxu lo nu toltu'i fo su'o da .i je ku'i za'a la ugos tcaves ce la ga'i nai poi nolraitru xuan karlos ca simxu lo nu co'a tolda'a .i ji'a la tcaves te dunda lo noi ke'a sorselnei ku'o pa creka be fi'o te tcita zoi zoi ¿Por qué no te callas? zoi se ja'e la'e di'u

They have had their differences, but it looks like Hugo Chávez and His Majesty King Juan Carlos have made up. Chávez even got one of those cool "¿Por qué no te callas?" shirts out of the deal.

saske cipra : Science experiment

2008-07-19T15:40:00.006-04:00

ni'o lo nu lo ratcu cu vi se viska cu milxe lo ka ce'u cafne .i mi pu ta'e viska ry ne'i lo tcana be bu'u la re ci moi klaji bei lo tertrene pe li xa ca lo nu mi ve ckule fo la'o zoi SVA zoi

.i mi ca pa lirvanci pu viska lo nu pa ratcu cu bajykla lo mlana be lo seldzu be ne'i lo tcana be bu'u la'o zoi Bergen zoi poi ke'a klaji bei lo tertrene pe me'o fy .i bo lo pa ninmu poi ke'a mo'i zo'i cadzu cu ca flira te preti fo mi fi lo panra be lu xu do viska lo pu zi se viska be mi li'u

.i ca lo nu mi pa re'u klama lo zdani lo terjvi dinju pe la'o zoi Shea zoi fu lo trene kei re za'e cipnrkolumbalivia to tcacpi toi cu nerkla lo trene i lo go'i cu stali ca lo nu lo trene cu re roi denpa fi tu'a lo lamji tcana .i ba zi bo cliva

.i ki ku ca lo prulamcte mi zvati la xarlem .i mi viska lo pa ratcu be ne'i lo tcana .i ba zi bo lo trene cu nerkla lo tcana gi'e se nerkla mi .i lo go'i cu trene lo ninmli je se zbasu be bu'u la nipon bei fi'o tertrene me'o ly e li xa e li re .i lo jinme lanka cu se lasna fi lo cnita sefta be lo stizu .i nenri lo lanka be fi'o te ragve mi fa lo pa cmalu je blabi smacu .i mi pu nu'o viska lo smacu be ne'i lo trene .i pe'i mi te cmene sy zoi zoi Gerald zoi

One sees rats often enough here. I used to see them in the 23rd Street station on the 6 train when I used to take night classes at SVA.

Once I saw one cross the platform at the Bergen St F station in the early evening. A woman walking toward me gave me a look: "Did you see what I just saw?"

Coming home from Shea Stadium once, two pigeons boarded the train. They stayed on for two stops, then got off.

Last night I'm in Harlem, & I saw a rat in the station. Then a train comes, & I get on it. It's one of the newish Japanese cars that runs on the L, 6, & 2 lines. There are metal mesh baskets under the seats. And in the one across from me is a little white mouse. I'd never seen a mouse on the train before. I think I'll call him Gerald.

za'e jdasre : The heretic

2008-07-13T20:39:00.006-04:00

ni'o ve cu'u la'o zoi Observer zoi cu cinri ke karni prosa ca lo cabdei pa'u lo ci mei fe lo nu la'o zoi فضل Fadl zoi poi mikce cu pu zi co'a darlu fi lo vlile kei e lo te spuda be ri bei la'o zoi أيمن الظواهري Ayman al-Zawahiri zoi .i fy fa'u a bu zy ca ba'o fa'u ca'o cmima la'o zoi القاعدة al-Qaeda zoi .i zo'e bi'u nai prosa fi la'o zoi Lawrence Wright zoi

In the Observer today there's an interesting article, in three parts, about Dr Fadl's recent renunciation of violence, and the response by Ayman al-Zawahiri. Both men were members of al-Qaeda, but the former has left. The article is by Lawrence Wright.

catra lo uactu : Kill the wabbit

2008-07-09T14:05:00.016-04:00

ni'o lo nuzba zo'u lo pe la daitclynt pulji cu sisku fi lo porsi be fi lo'i nu lo ractu cu se catra

.i lo nu terpa cu mukti lo nu lo ponse be lo ractu bei bu'u la daitclynt cu stela ga'orgau lo zdani be ry ca lo nicte kei ba lo porsi be fi lo'i nu lo ractu cu se catra kei noi sa'u nai nu ry te vimcu lo stedu e lo ciblu

.i za'u vo no lo ractu ba'o se catra bu'u lo pe la rur seltcadu ba lo prulamji crisa se mu'i lo nu lo pulji be vi la dortmunt cu gasnu lo nu zasti fa lo bende be fo lo nu facki fi lo fuzme be lo bi'u nai zekri

.i smadi lo du'u lo se cevni be la satan cu fuzme da'i kei ki'u lo tadji be lo nu so'i lo bi'u nai ractu cu se catra

.i ba lo vonma'i loi mu pulji be bu'u la'o zoi Witten zoi noi tcadu cu ca ca'o sisku fi lo bi'u nai cuntu ve cu'u la'o zoi Spiegel Online zoi

.i lo bi'u nai bende cu cipyzu'e fi lo ka ce'u cumki kei lo du'u lo ractu cu te sisku se pi'o la'o zoi Google Earth zoi noi cartu samselpla

.i loi bi'u nai pulji cu te preti fo za'u ci no no lo prenu gi'e ku'i ba'o cilre no da vau ve cu'u lo bi'u nai jonckugri

.i pu krasi fa so'u lo sepsi'u nuncatra .i je ku'i ca lo pu zi vensa lo ni lo nuncatra cu cafne cu zenba mu'u vo lo mroselja'e nungunta be ca lo mumyma'i

.i lo bende be fo lo danlu selcru bandu bu'u lo bi'u nai se tcadu cu ba'o nupre lo nu cnemu fo lo ronru'u be li re mu no no fi lo nu jungau fi lo se jalge be lo nu lo catra ba pinfu lo pulji

German police investigate serial rabbit killings

Fear is driving rabbit owners in Germany to lock up their pets at night after a spate of brutal bunny slayings in which pets have been beheaded and drained of blood.
More than 40 rabbits have been killed in the country's Ruhr district since late last summer, prompting police in the Dortmund area to set up a special task force to find the culprit.
There has been speculation that satanists could be responsible because many [sic] of the way the rabbits have been killed.
Since April, five officers in the small town of Witten have been investigating the case, according to Spiegel Online.
The task force is looking into the possibility that the rabbits were being targeted using the online mapping programme Google Earth.
The officers have interviewed more than 300 people but have so far found nothing, the website reported.
Initially there were only a few isolated killings, but this spring the number of incidents picked up with four fatal attacks in May.
Animal rights groups in the region have put up a reward of €2,500 (£2,000) for information leading to the arrest of the killer.

selfendi : Schism!

2008-07-07T12:44:00.025-04:00

ni'o xu la za'e glixi'o brace'u cu sutra lo nu co'a se fendi .i ko sutra lo nu cpacu lo spoja zumri .i mi badgau fi le stizu se va'u do .i su'a lo nu lo seljda girzu cu se fendi cu di'i nai fasnu to la'o zoi Imani Temple zoi pe de'i li pa so bi so cu traji lo ka ce'u se lidne kei fo le'i te morji be fi mi toi .i je ku'i lo nu simsa lo nu la glixi'o brace'u cu se fendi da'i kei lo ni ce'u se jundi cu rirci

.i to'u loi jinvi be lo du'u lo nu mitpavycingle cu filseljmi tolselcru cu krici lo du'u jy e loi se gidva be lo mitpavycingle za'e catnrpepiskopo na kakne lo nu se lijda lo mintu

.i la'a nai ba zi se fendi bi'u nai .i je ku'i e'a pacna .i lo bavlamji me la nunjmaji po la luambet cu cfari de'i li ze pi'e pa xa

.i lo cizra zo'u cabna ma'i la xi'ojda po la gligu'e fa lo nu loi tolzanru be loi fetsi catnrpepiskopo cu djica lo nu cuxna lo nu se gidva fy cy na e lo nakni basti

.i mi ca sitna la poi cesyvu'e paulus to le ci pi'e re bi moi be se pa'u le xatra be zo'e pe bu'u la galuatias bei la paulus toi se cu'u

Is the Anglican Communion is hurtling toward schism? Quick, get some popcorn! I'll save your seat. Every now and then a schism occurs (the last one I can think of is the Imani Temple in 1989), but rarely so high-profile as an Anglican split would be.

In brief, those who believe homosexuality is expressly prohibited feel they cannot share the religion with those who submit to the authority of homosexual bishops.

In the near term a schism is unlikely. But one can hope. The next Lambeth Conference starts 16 July.

Oddly, at the same time, in the Church of England, those who disapprove of female bishops wish to be able to opt out of their authority & choose a male substitute.

I'm just gonna quote St Paul here (Gal. 3:28):

lu na zasti fa lo xebro a lo xelso .i bo na zasti fa lo sefpre a lo zifpre .i bo na zasti fa lo nakni a lo fetsi .i ki'u bo lu'o ro do pa mei ne'i la xristos iecuyx li'u

οὐκ ἔνι Ἰουδαῖος οὐδὲ Ἕλλην οὐκ ἔνι δοῦλος οὐδὲ ἐλεύθερος οὐκ ἔνι ἄρσεν καὶ θῆλυ πάντες γὰρ ὑμεῖς εἷς ἐστὲ ἐν Χριστῷ Ἰησοῦ

There is neither Jew nor Greek, there is neither slave nor free man, there is neither male nor female; for you are all one in Christ Jesus.

.i ta'o mi na kakne lo nu nupre lo nu lo bi'u nai xelfanva cu prane .i ki'u bo le pa du'u frica cu se xusra se pa'u lo krasi e nai lo glico .i mi lo go'i ki'u gi naljimpe gi nalxusra vau o'a nai ru'e

I can't vouch for that translation by the way. In the original a distinction is made that is ignored in the English. I don't understand the distinction, so I ignored it too. But I'm not proud of it.

spaji lerci oi le'o : It's about time

2008-06-13T11:57:00.006-04:00

ni'o mi pu za lo djedi be li so'o cu te xatra ky dy noi ke'a pendo mi ku'o fo

lu ba za ku lo je'u pa pavyseljirna ba tolcliva gi'e ba za'e tanbargylu'i loi vi klaji ro da li'u

i ua drani fa le pa moi pagbu

The other day I wrote to my friend K.D.:

Someday a real unicorn's gonna come along and rainbow all the scum off these streets.

Well, I was right about the first part.

co'a fanmo : The beginning of the end

2008-05-31T17:12:00.021-04:00

ni'o mi morji lo du'u mi se jenca je se cinri lo du'u pi so'a lo nolrai lanzu pe la nepal cu se catra kei poi mi cradi tirna se jungau fi ke'a

i mi se mojgau ve cu'u la uikipedias fi le du'u lo bi'u nai nuncatra cu fasnu de'i li re no no pa pi'e no xa pi'e no pa i va'o lo vacysai nunjmaji be bu'u lo nolraizda la poi nolraibe'a dipendras goi ko'a cu darlu fapro la noi nolraispe aicuarias noi mamta ko'a ku'o lo nu ko'a djica lo nu spebi'o la devianis ranas i ko'a binxo lo xalfekpre i je ba bo la noi nolraitru birendras noi patfu ko'a cu cpedu lo nu ko'a cliva i je ba bo la noi nolraibe'a niradjan noi bruna ko'a ku'o e la noi nolraiseldze paras noi tamne ko'a cu kansa ko'a lo nu ko'a klama lo kumfa pe vo'a

i ko'a ba za lo cacra cu xrukla lo jubme fi'o se bevri lo xumjimcelxa'i i je ba bo ko'a co'a gunta i ko'a catra lo patfu be ko'a be'o e re fetfamti be ko'a be'o e re nakfamti be ko'a be'o e pa tamne be ko'a be'o e lo mamta be ko'a be'o e lo mensi be ko'a be'o e lo bruna be ko'a i la paras fanta lo nu ci prenu cu se catra kei ta'i lo nu gairgau lo sfofa py i je ba bo la dipendras dzukla lo cripu be bu'u lo tumla be re'o lo nolraizda gi'e gunta vo'a

i lo cizra zo'u ca lo nu ko'a ca'o tolsanji mrobi'o kei ko'a flalu nolraitru la nepal ki'u lo nu ko'a pu cerda fi lo nolraitru i ga nai ko'a pu renvi da'i gi ko'a rivbi da'i lo nu ko'a flalu se pajni kei ki'u lo nu ko'a se lanzu lo nolrai i da'i nai ko'a ba za lo djedi be li ci cu mrobi'o gi'e lidne la gianendras noi pafybu'a ko'a

i ve cu'u la'o zoi Telegraph zoi cu xusra lo du'u lo tarmafpre cu xusra lo du'u ga nai la dipendras cu spebi'o pu lo nu ko'a nanca li ci mu gi lo nolraitru cu mrobi'o i je lo du'u ko'a pu mipri spebi'o la devianis cu velji'icau se xusra i ko'a ca lo nu ko'a mrobi'o cu nanca li re so

I recall the shock and fascination I felt when I heard on the radio about the massacre of the Nepali royal family.

Wikipedia reminds me that it occurred on 1st June 2001. At a dinner party in the palace, Prince Dipendra quarrelled with his mother Queen Aiswarya about his desire to marry Devyani Rana. He became drunk, was asked by his father King Birendra to leave, and was escorted to his room by his brother Prince Nirajan and his cousin Prince Paras.

An hour later he returned to the table with a gun and started shooting. He killed his father, two aunts, two uncles, a cousin, his mother, his sister, and his brother. Paras saved three people by covering them with a sofa. Dipendra then walked over a bridge on the palace grounds and shot himself.

Oddly, as he lay in a coma dying, he was technically King of Nepal, as he had been the heir. If he had survived, he was immune from prosecution as a member of the royal family. He died three days later and was succeeded by his uncle Gyanendra.

~~The Telegraph claimed that astrologers had predicted that if Dipendra had married before age 35, the king would die. And there were rumors that he had secretly married Devyani.~~ He was 29 when he died.

co'u nolraitru : No more king

2008-05-28T22:46:00.010-04:00

ni'o lo nu loi nolrai cu turni la nepal cu pu zi se fanmo ba lo nanca be li re vo no

The Nepali monarchy has come to a close after 240 years.

xu lo mabrnkuoka po'e do snura : Is your quokka safe?

2008-05-19T17:06:00.011-04:00

ni'o la'o zoi Buswell zoi natfe lo velji'icau selxu'a be se ra'a lo mabrnkuoka

i la'o zoi Troy Buswell zoi goi ko'a zi'e noi jatna lo fapro trusragri be se pa'u lo xelfla pe la sralo sicpau ku'o pu tugni xusra lo du'u ko'a sumne lo stizu i je ku'i ko'a ca lo cabdei cu natfe lo du'u ko'a zukte lo palci ri'i lo mabrnkuoka

i ko'a poi ke'a pu tugni xusra lo ji'a du'u ko'a pu lacpu lo tatyta'u po'e lo pa gunka pe la'e zoi zoi Labor zoi ku'o cu ve preti bu'u la'o zoi Parliament House zoi ba lo nu la'o zoi Paul Omodei zoi pu cusku lo se du'u za'u nuzba ba te gubjungau fo ko'a kei e lo se du'u lo nu ko'a jatna cu ba morsi pe'a ri'a lo nu ri pa ki'o roi se katna

i lo nu lo nu ko'a te reisku lo du'u xu kau ko'a pu zukte da poi ke'a nalmapti ku'o ri'i lo mabrnkuoka cu se spuda ko'a lo nu cusku lu na go'i li'u

i lo nu lo nu ko'a te reisku lo du'u xu kau ko'a se slabu lo velji'icau selxu'a be se ra'a lo selzu'e be se ra'a lo bi'u nai cmalu cifydaklymabru noi la poi daplu rotnest cu krasi ke'a cu se spuda ko'a lo nu cusku lu mi djuno ba'e no da lo selxu'a be se ra'a lo mabrnkuoka be bu'u la rotnest i mi na prane prenu i do djuno lo du'u lo pu selfri be mi cu carmi i ju'o cu'i so'o ri cu fanza de i mi ba'e na natfe la'e di'u i je ku'i mi na sanji lo nu mi jai fanza da'i lo mabrnkuoka li'u

i lo nu lo nu ko'a te reisku lo du'u ma kau krasi lo bi'u nai velji'icau selxu'a cu se spuda ko'a lo nu cusku lu mi ba'e na djuno i mi ri na ba te pinka i mi tirna lo po'o nu lo prenu cu bacru zo mabrnkuoka gi'e ba bo cisma jo'u cmila i sa'u a'u cu'i je'u li'u

i ko'a cusku lo se du'u no cmima be lo xelfla be'o pe ko'a pu klama ko'a te zu'e lo nu jungau fo lo bi'u nai velji'icau selxu'a kei i je co'e lu lo karnysku cu ba'o nalbasna cusku zo mabrnkuoka gi'e xusra te cu'u mi lo du'u da poi nalmapti pu fasnu ju'o cu'i i ba'e no da fasnu li'u

Buswell fends off quokka rumours

WEST Australian Opposition leader Troy Buswell has admitted to chair-sniffing in the past but today he denied having done anything untoward to a quokka.

Mr Buswell, who has also admitted to snapping the bra of a Labor staffer, faced question at Parliament House after sacked frontbencher Paul Omodei had said "more stories" would emerge about Mr Buswell and that his leadership would "die the death of a thousand cuts".

Asked if he had done anything inappropriate to a quokka, Mr Buswell replied: "No".

Asked if he was aware of any rumours about actions involving the small marsupials, which are indigenous to Rottnest Island, Mr Buswell said: "I have absolutely no idea about these stories of quokkas on Rottnest.

"I'm not being backward in saying that I'm not a perfect individual and you know I've had a robust past and there may be elements of that that have proved offensive to people.

"I don't shy away away from that at all, but I'm not aware that I've caused any offence to a quokka."

Asked how the rumours had started, Mr Buswell said: "I have no idea.

"I'm not going to comment on it. All I've heard is people use the word quokka and then smile and laugh.

"I'm just not interested to be honest with you."

He said none of his MPs had come to him to report the rumour.

"Members of the press have in passing mentioned the word quokka and suggested to me that something inappropriate in the past may have happened," he said.

"Nothing has, absolutely nothing."

la nargis : Nargis

2008-05-13T20:53:00.007-04:00

ni'o la noi carmi carvi joi brife nargis ba jai rinka lo nu so'i prenu cu ba'o mrobi'o se ja'e lo nu jinru ja djacau ja bilma be fi la'e zoi zoi cholera zoi be'o ja catra be vo'a be'o ja spofu pe'a se risna pe'a

.i ue nai ru'e za'a lo trugunma be la miymar cu no'e gleki lo nu lo no'a cu curmi lo nu lo bi'u nai prenu cu mrobi'o kei gi'e milxe troci lo nu sidju py .i ku'i mi na jimpe lo du'u so'o prenu mu'i ma kau cu stidi lo nu la mergug a la ritygug a lo drata cu bilga lo nu bapli sidju la miymar se pi'o lo jenmi

.i pe'i la iugosliavias jai se bebna .i pe'i la somalias jai se bebna

.i pe'i lo nu kakne lo nu nerkla gunta pi mu lo ro jecta cu jai se bebna

Cyclone Nargis will have killed a lot of people once all is said and done. Drowning, starvation, cholera, suicide, broken hearts.

The Burmese government seems to be happy to let these people die, making little to no effort to help them. What I don't understand is the calls from some quarters that the U.S. or the U.K. should militarily force aid into Burma.

I think Yugoslavia was a bad idea. I think Somalia was a bad idea.

I think being able to invade every other country on earth is a bad idea.

pe'i a'o mi'a ba jinga : I think -- I hope -- we're going to win

2008-05-03T21:27:00.005-04:00

ni'o nunjmaji fi la'o zoi Prospect Heights zoi ca lo cabdei te zu'e lo nu fapro fi lo nu zbasu la'o zoi Atlantic Yards zoi noi ke'a dinju so'i mei kei poi ke'a ba daspo pe'a da'i lo bi'u nai tcapau e ji'a lo selneirai be lo'i barja bei mi i lo bi'u nai selpla pu zu lo nanca cu ca'o se snada i nau ku za'a lo go'i cu ca'o se fliba i pe'i a'o mi'a ba jinga	Today there was a rally in Prospect Heights to protest the construction of Atlantic Yards, which threatens to destroy the neighborhood, as well as my favorite tavern. The project was going ahead as planned a year ago. Now it looks like it might not happen. I think -- I hope -- we're going to win.
i la'o zoi Manson Family Picnic zoi	Manson Family Picnic

i la'o zoi Velmanette Montgomery zoi	Velmanette Montgomery, New York State Senate, District 18

i la'o zoi David Yassky zoi	David Yassky, New York City Council, District 33

i la'o zoi Letitia James zoi noi ke'a tcestati lo nu tavla lo girzu	Letitia James, New York City Council, District 35, an excellent speaker

i gy e vy vu'o noi pendo mi	My friends G. & V.

i mi vi lo ve klama be lo bi'u nai nunjmaji cu viska ti noi selci'a	On the way to the rally I noted this inscription:

i bu'u la jbogug zoi zoi LNC zoi sinxa la'e lu la nicte cadzu li'u noi ke'a po'o bracfika gi'e se finti bau la lojban i bu'u la bruklyn lo go'i cu sinxa la'o zoi Los Niños Callejeros zoi noi ke'a zerbe'e zo'o ru'a	In Lojbanistan, "LNC" refers to "la nicte cadzu", the sole original Lojban novel. In Brooklyn, it refers to Los Niños Callejeros, a "gang", presumably.

ca lo nu lo xarju cu vofli : When pigs fly

2008-04-27T19:33:00.009-04:00

ue ti mo	Hold the phone. What's this?

i ua ue sai pau nai marji fi lo xarju fe lo cakla joi ba'e za'e silnyseljukpa xajre'u	A pig made of chocolate and ... bacon?!

i kukte oi nai sai ro'o	Delicious!

i ki'e ky e a bu	Thanks, K. & A.!

mi'o ba'o zbasu ti noi tcadu : We built this city

2008-04-26T14:41:00.016-04:00

ni'o pu zi nu so'o lo pendo be mi cu casnu te zu'e lo nu jdice lo du'u ma kau rigrai lo'i vreji selsa'a i li'a ri na ka'e se snada ki'u lo du'u lo du'e selsa'a cu zasti kei e lo du'u lo'i prenu cu ficysi'u lo ka ce'u pajni tu'a lo selsa'a i je ku'i le pruce cu zdile i mi jarco lo ka lo so'o mei cu te cuxna gi'e cpedu lo nu do te pinka	There have been some discussions recently among my friends toward the aim of determining the worst song ever recorded. Now, of course it's a futile endeavor -- too many songs, too much subjectivity. But it's an amusing process. I present some contenders and, as always, invite your comment.
i la'o zoi Fairytale Lover zoi pe la'o zoi UTFO zoi zi'e pe de'i li pa so bi mu	"Fairytale Lover", UTFO, 1985

i la'o zoi Cool Night zoi pe la'o zoi Paul Davis zoi zi'e pe de'i li pa so bi pa i ua ue ru'e la'o zoi Paul Davis zoi pu zi lo djedi be li vo cu mrobi'o	"Cool Night", Paul Davis, 1981. It turns out Paul Davis just died four days ago.

i la'o zoi Mesmerize zoi pe la'o zoi Ja Rule zoi zi'e pe de'i li re no no no	"Mesmerize", Ja Rule, 2000

i so'o prenu cu djica lo nu ti liste zo'e bi'u nai e la'o zoi We Built This City zoi ji'a to pe la'o zoi Starship zoi zi'e pe de'i li pa so bi mu toi i mi toltu'i ki'u lo nu ro lo nu mi tirna lo bi'u nai selsa'a cu rinka lo nu mi cmila i je ku'i ju'o mi jimpe lo du'u go'a	Some people would like to include "We built this city" (Starship, 1985) in this list. I object, because it always makes me laugh. But I understand it.

i li'a loi bi'u nai te cuxna cu ckaji lo ka ce'u jai selfri mi'a i ju'o cu'i do kakne lo nu do sidju fi lo nu lu'i lo go'i cu zenba lo ka ce'u ficysi'u	Clearly there's a lot of bias in this list. Maybe you can help open it up a bit.

na ka'e tcidu : Can't read

2008-04-05T22:37:00.009-04:00

ni'o pu badri lo nu mi co'a djuno lo du'u ba'u mi co'u kakne lo nu mi tcidu i mi cinmo simlu lo ka go'i kei ba lo nu mi ba'o tcidu lo re mu mei papri pe la'o zoi The history of the siege of Lisbon zoi pe fi'e la juzep saramagus i mi ba'o tcidu lo re cfika cukta be fi jy sy i la'o zoi Blindness zoi u'e no'u pa lo se go'i cu so'u va'e lo'i banli se'i cukta poi mi ba'o tcidu ke'a ku'o gi'e xlura mi lo nu ai mi tcidu ro cfika be fi jy sy i la'o zoi Siege zoi jai mutce nandu ju'o sai mi i to'e se mu'i nai bo ai a'i au mi mulno tcidu lo go'i

ni'o mi ca lo cabdei cu kansa la keit lo nu citka lo mijdorsai bu'u la'o zoi La Esquina zoi i ba bo mi'a kaskla la'o zoi McNally Robinson zoi noi ke'a ckuzai zi'e noi mi pu so'i roi zo'a ke'a cu cadzu gi'e no roi vitke ke'a i mi facki lo du'u lo se go'i cu se zvati mu cukta poi mi ze'u cu posydji ke'a gi'e pu no roi viska ke'a bu'u lo bi'u zarci i la keit noi pe'a lo ni ke'a xendo cu dunli lo ni lo munje cu lenku pe'a ku'o cu terve'u dunda fi mi fe la'o zoi The Posthumous memoirs of Brás Cubas zoi pe fi'e la'o zoi Joaquim Maria Machado de Assis zoi

i ba za bo mi penmi ai nai ry noi ke'a pendo mi zi'e noi ke'a pa re'u jungau mi lo du'u ke'a nelci jy sy gi'e nai ba'o tcidu la'o zoi Siege zoi i ui ui dai se mu'i bo ry jbera ri mi i je bo ui ui dai ry nupre lo nu mi ba jbera da'i fi ry fe ro cukta be fi jy sy be'o poi ry ponse ke'a i u'a la'e di'u prali ro ba'u da

ni'o mi cu citka lo bi'u nai mijdorsai no'u sa'u nai lo sovdrlomelete co me la'e zoi zoi huitlacoche zoi i mi pu nupre lo nu mi jungau fi lo jei go'o i ju'a la'e zoi zoi huitlacoche zoi cu kukte gi'u bilma stagi

It was sad to discover that I could no longer read. That is how I felt, anyway, after getting about 25 pages into The history of the siege of Lisbon, by José Saramago. I had already read two of his novels, one of which, Blindness, is one of the best books I've ever read, & which inspired me to intend to read all of his fiction. Siege has proved very difficult for me; nevertheless, I was willing to fight my way through it.

Today I had brunch with Kate at La Esquina, and after brunch we wandered over to McNally Robinson, a bookstore I have often passed but never visited. There I found about five books I've long coveted but never actually seen in a shop. Kate, gracious as the world is cold, bought me The Posthumous memoirs of Brás Cubas, by Joaquim Maria Machado de Assis.

Later, I ran into my friend R. Little did I know he was a Saramago fan who had yet to read Siege. I happily loaned it to him, & he promised he would happily loan me anything of the Saramago that he owns. Everybody wins!

For brunch, I had a huitlacoche omelette, & I can report, as I promised, that huitlacoche is indeed tasty, disease or no disease.

u'a tolvli nolraitrunau : Checkmate!

2008-03-26T19:25:00.012-04:00

ni'o lo latmo cu te fanva zo catra fu lo pa ci mei

i ju'o mi djuno lo du'u do peisku ma kau i do peisku lu ua panra lo du'u loi bangrninuiti cu te fanva zo snime fu so'i da li'u i da'i nai lo bi'u nai se panra cu jitfa i je ku'i lo go'i cu ru'i se krici so'i da i ja'e bo lo go'i cu krasi zoi zoi snowclone zoi noi ke'a se finti la'o zoi Glen Whitman zoi zi'e noi ke'a se mupli la'e ti

i je ku'i da'i nai lo latmo cu te fanva zo catra fu lo pa ci mei i la'e di'u se xusra ve cu'u la'o zoi Cassell's New Latin Dictionary zoi i e'o ko catlu fi'o birti do

Latin has thirteen terms for 'kill'.

Now I know what you're thinking. You're thinking, "Oh, just as the Eskimos have so many words for 'snow'." But that turns out to be a myth, which is so tenacious that it has yielded the term 'snowclone' (coined by Glen Whitman) for expressions like these.

But the Romans really did have thirteen terms for 'kill', at least according to Cassell's New Latin Dictionary. See for yourself:

i je ku'i no lo valsi be se pa'u ti noi pixra cu te farvi lo valsi be zo catra bei lo spano be'o no'u zoi zoi matar zoi i la'e di'u cu co'a se jundi mi se ja'e lo nu pa terpinka pe la'o zoi Bradshaw of the Future zoi cu smadi lo du'u zoi zoi -mate zoi pe se pa'u zoi zoi checkmate zoi ge'u e lo bi'u nai valsi be fi lo spano cu se farvi fi da to zoi zoi check- zoi se farvi fi zoi zoi šāh شاه zoi noi ke'a valsi zo nolraitrunau lo bangrfarsi toi i se mu'i bo ai mi sisku cilre lo du'u ma kau te farvi zoi zoi matar zoi i je ku'i lo se go'i ve cu'u la'o zoi Real Academia Española zoi cu tolselbirti

i so'e roi se xusra fa lo du'u zoi zoi -mate zoi te farvi zoi zoi māt مات zoi noi valsi zo morsi lo xrabo i je ku'i la'o zoi Goofy zoi pe se fi'e la'o zoi Bradshaw zoi prije xusra lo du'u la'e di'u na'e racli i ni'i bo lo caxmati valsi cu farvi lo xrabo valsi lo bangrfarsi valsi i je bo na go'i lo te go'i lo se go'i i se ni'i bo la'ermau fa lo du'u zoi zoi māt مات zoi noi ke'a valsi zo tolvli lo bangrfarsi cu te farvi

ni'o ju'o zoi zoi māt مات zoi valsi zo morsi lo xrabo i se ni'i bo na'e tolracli fa lo nu krici lo du'u lo go'i cu te farvi zoi zoi matar zoi

Yet none of these words is the origin of the Spanish word for 'kill', 'matar'. This came up because a commenter on Bradshaw of the Future guessed that the -mate in checkmate is related to the Spanish. ('Check-' comes from Persian 'šāh شاه' 'king'.) I figured I'd look up the origin of 'matar', but the Real Academia Española says that it's uncertain.

The origin usually given for '-mate' is the Arabic 'māt مات' 'dead'. But Goofy of Bradshaw wisely asserts that that doesn't make sense, because chess terms go from Persian to Arabic & not in the other direction. Hence the more likely origin is the Persian 'māt مات' 'helpless'.

Nonetheless 'māt مات' is certainly the Arabic word for 'dead', so it's not crazy to think that it is the origin of 'matar'.

Taco de ojo : Easy on the eyes

2008-03-21T15:31:00.011-04:00

ni'o e'u sai va'o lo nu do kakne kei do vitke la'o zoi La Esquina zoi te zu'e lo nu do se pluka lo kukte snujrtako i mi na'o tolcafne tcegei lo nu mi citka i je ku'i mi ca'o le cabna djedi be li ci cu ci roi ba'o vitke

i ju'o sai mi na gusta pajni ciska i se ki'u bo mi na ba troci lo nu skicu lo ka lei snujrtako cu kukte se la'u ma kau i je ku'i ei nai do krici lo bi'u nai se xusra be mi i ki'u bo mi ba'o vitke fi'o kansa la keit poi pendo mi ku'o e la keit poi drata je pendo be mi ku'o e lo speni be la keit be'o vu'o noi ro ke'a tugni mi la'e da'u

i ca lo nu vitke ca lo vondei kei la keit zgana lo du'u lo me zoi zoi huitlacoche zoi snujrkesadilia cu se posyve'u kei gi'e jungau mi lo du'u da'i nai lo me zoi zoi huitlacoche zoi goi ko'a cu mledi terbi'a fi lo zumri i pe'i lo nu lo si'o citka lo bilma stagi cu racli cu cizra mi i je ku'i ky xusra lo du'u ko'a kukte i nu'e do'u mi do ba jungau

i lo te tavla cu ba zenba lo ka ce'u xlali i ri'a bo ky jungau fi lo du'u se posyve'u fa lo kanla snujrtako goi fo'u bu'u la cikagos i fo'u je'a du le xanri be do lo va'i snujrtako be lo kanla be lo bakni i lo besna ji'a cu se snuji fo'u i mi tolracli krici lo du'u ei lo nu fo'u cu se posyve'u cu flatolselcru i je ku'i ti'e da'i nai fo'u se posyve'u bu'u ji'a la santys barbyrys e la filydelfiys i mi'a fliba lo nu facki lo du'u da posyve'u da'i fo'u bu'u la niu,iork i je ju'a mi mo'u je'u sisku

ni'o ca lo nu mi pa re'u vitke la'o zoi La Esquina zoi kei mi pinxe lo me zoi zoi michelada zoi i my birje joi ke cpina kapsiku purmo ke'e joi ri'ornimre bo jisra jo'u bisli gi'e se vasru lo kabri poi lo silna cu cpana lo ctebi pe'a be ke'a i my rigni gi'e e'u sai se pinxe ro da poi ke'a sinma lo'e rigni

If you have the opportunity, I urge you to visit La Esquina and enjoy a delicious taco. I don't usually get excited about food, but I just got back from my third visit in three days.

I am by no means a restaurant reviewer, so I'm not gonna try to describe how delicious the tacos are. But you don't have to take my word for it. I've been with my friend Kate, my other friend Kate, and Kate's husband, and they all agree with me on this.

During Thursday's visit, Kate noticed a huitlacoche quesadilla on the menu & informed me that huitlacoche was, in fact, corn smut. I thought it odd that eating diseased vegetables was considered a good idea, but she assured me it was tasty. I'll let you know.

The conversation went downhill from there, as she revealed that in Chicago it was possible to procure taco de ojo. That is just what you'd expect it to be: a taco with a cow's eyeball in it. Also, apparently, brains. Irrationally I thought that that should be illegal. But apparently it's available in Santa Barbara and Philadelphia as well. We have yet to find a purveyor in New York, and to be honest, I've stopped looking.

On my first visit to La Esquina I tried a michelada. That would be beer, chili, and lime on ice, with salt on the rim of the glass. It's terrible, and I heartily recommend it to everyone who values things that are terrible.

ei ru'e dai : Under some duress

2008-01-23T22:09:00.000-05:00

ni'o la korin noi pendo mi cu pu zi zvati ei ru'e dai lo te salci be lo balvi be za lo nanca be li mu no bei lo nunjbe be la djared noi ke'a jibri jatna lo no'a i ca bo ky cu pa re'u penmi la arabel noi to milxe bo citno je ci moi toi speni dy gi'e ze'i tavla a bu

i ky cusku lu mi ta'e viska lo pixra be do bei fi'o se cpana lo jubme pe la djared i je ju'a mi na jimpe lo du'u do ru'i na'e dukse steba tu'a dy ta'i ma kau i mi xabju pampe'o lo ba'e vo'a pa me la djared i je mi troci lo nu cliva lo se go'i i ku'i lo'e zdani cu jai kargu li'u

i a bu jgari ky fo lo xance gi'e spuda fi lu ie sai ba'e go'i i mi na djuno lo du'u mi ba co'u rinju lo ca nunspe ta'i ma kau i sei sa'a a bu jbize'a se'u xa'urkansa au pei li'u

My friend Corinne attended, under some duress, her boss Jared's fiftieth birthday party recently. She met the boss's (youngish, third) wife Arabella and took the opportunity to chat with her:

C: "I see your picture on Jared's desk, and I gotta say I don't know how you put up with him. I've got a Jared of my own at home, and I'm trying to leave him. But apartments are so expensive."

Arabella clasps my friend's hand.

A: "I know! They are expensive. I don't know how I'm gonna get out of this marriage."

She leans in:

A: "Roomies?"

cizra nilbra mabrnrodenti : R.O.U.S.

2008-01-16T11:16:00.000-05:00

ni'o lo'i cizra nilbra mabrnrodenti cu rinsa pe'a te jmina lo pa cnino

i lo pa rokybi'o sedbo'u pu zu lo nanca be li ci bu'u la san xosep noi jecpau la uruguais cu te facki i binxo lo birti be lo du'u lo go'i cu sedbo'u lo mabrnrodenti be la'o zoi Josephoartigasia monesi zoi goi ko'a zi'e noi brarai lo'i ze'e slabu se mabrnrodenti i ko'a pu zu lo megna'a be li re bi'o vo cu jmive i lo du'u ko'a ki'ogra li ji'i pa ki'o gi'e mitre li ji'i ci cu se krici

ni'o mi ca zi co'a morji lo du'u ba zi kampivara kalte citsi bu'u la venesueluas

The category "rodents of unusual size" welcomes a new member.

A fossilized skull found three years ago in the department of San José, Uruguay, has been confirmed as belonging to the largest ever known rodent species: Josephoartigasia monesi. The creature lived two to four million years ago and is estimated to have weighed about 1000kg and to have been 3m long.

That reminds me. It's almost capybara season in Venezuela.

xalka joi jisra te jetce minji : Behold the Fountain of Punch

2008-01-02T21:51:00.000-05:00

ni'o te salci lo pa moi djedi pe lo cnino nanca i va'o bo mi zgana le minji co te jetce be lo xalka joi jisra

At a New Year's Day party, I beheld the fountain of punch.

i je la'e lu cmene co se lasna fi lo mebri li'u co'a jai ja'i kelci i va'o bo mi mapti la'o zoi George Stephanopoulos zoi i lo fatci zo'u lo patfu be lo se go'i cu jdaca'i i je lo patfu be mi pu ze'i xriso se za'e cecmrfratri

A game of 'Name on the forehead' broke out, in which I was mapped to George Stephanopoulos. True fact: His father is a priest, while mine was briefly a friar.

i to ki'e sy e dy boi xi pa e dy boi xi re i lo pixra cu se zerle'a fi py toi

Thanks to S., D. ,& D. Pics stolen from P.

a'o le nolraitru cu ba ze'u ru'i jmive : Long live the King!

2007-12-12T23:03:00.000-05:00

ni'o la ga'i nai pumipon aduniadet goi ko'a zi'e noi nolraitru la taigug de'i li pa re pi'e mu cu co'a nanca li bi no i ko'a noi ke'a ji'a mutce selnei be mi be'o nolraitru cu sidju fi lo nu lo nu lo trugunma cu vlile te bastygau de'i li pa so so re cu se fanmo i lo tolvajni datni zo'u ko'a po'o nolraitru je jbena be fo la mergug i bo lo patfu be ko'a ca lo nu ko'a jbena cu ve balcu'e fi lo micyske la xarvrd

i a'o le nolraitru cu ba ze'u ru'i jmive

His Majesty King Bhumibol Adulyadej of Thailand turned 80 on 5 December. Another favorite king of mine, he helped put an end to the coup of 1992. Trivia: he is the only current monarch who was born in the United States; his father was studying medicine at Harvard when he was born.

Long live the King!

ribytai selkei : Teddy bear

2007-11-29T21:05:00.000-05:00

ni'o y srana lo ribytai selkei

ni'o ba lo nu mi ze'a lo djedi be li so'u cu pensi lo bi'u nai cuntu kei mi co'a jimpe lo du'u mi naldji sinma lo muslo flalu jecta i ri zmadu fi lo ka ce'u stace i ju'o cu'i la sudan na banzu lo ka carmi i ju'o cu'i lo go'i cu bilga lo nu ri tolcru lo nu lo nalmuslo ninmu cu ctuca lo muslo verba i ju'o cu'i lo go'i cu bilga lo nu ri sfasa lo bi'u rirni lo nu ri rirni lo panzi poi ke'a krici lo du'u lo nu ri te cmene lo selkei zo muxamad cu se prije sidbo ku'o kei lo nu lo se no'a cu vo no roi se darxi fi lo za'e biksko

Umm, it's a teddy bear.

After thinking about this case for a couple of days, I realize I have a grudging respect for the Islamic theocracies. They're more honest. Perhaps Sudan doesn't go far enough. Perhaps they should not allow infidel women to teach Muslim children at all. Perhaps they should subject the parents to 40 lashes for raising children who thought naming a toy Muhammad was a good idea.

lu ki'u ma do na ca co'a smaji li'u : “¿Por qué no te callas?”

2007-11-12T13:06:00.001-05:00

ni'o to'i ni'a cnino datni toi mi lerci ke ciska casnu lo bi'u fasnu noi ke'a se srana so'u lo mutce selnei be mi ku no'u la ugos tcaves e pa nolraitru i fau sa'e lo se go'i la'o zoi Juan Carlos I de Borbón y Borbón-Dos Sicilias zoi goi ko'a zi'e noi nolraitru lo sangu'e e lo drata cu co'e i fau la me la iberias me'u jo'u bemjoitco nunjmaji pe tu'i la tciles de'i li pa pa pi'e pa no ko'a ga'i nai mi'ecpe lo nu lo bi'u nai dukse tavla ralja'a be la venesueluas co'a smaji i ui ju'o skina vreji la'e di'u

ni'o mi nelci ro ca nolraitru i je la xuan karlos sa'e ze'u mutce selnei mi i ki ku ba lo nu ko'a co'a nolraitru kei za lo nanca be li mu de'i va'i li pa so bi pa cu troci lo nu vlile gafygau lo truci'e i mi ca verba gi'e ba no roi tolmorji lo nuzba skina be la'e di'e i tu'e so'i nanmu cu vlile nerkla lo xelfla gunma dinju gi'e te xumjimcelxa'i fo zo'e pe mo'i ga'u i su'o re xelfla se gunma cu badgau fi lo stedu be vo'a gi'e cpare fi lo cnita be lo jubme pe vo'a tu'u

[Update below.] A little late to the party on this story, which includes some of my favorite elements: Hugo Chávez & a king. In this case, Juan Carlos I de Borbón y Borbón-Dos Sicilias, King of Spain, &c., &c. At the Iberoamerican Summit in Chile on 10 November, His Majesty told the rambling president of Venezuela to shut up. Oh, yes, there's video.

I like all modern monarchs, but Juan Carlos has long been a favorite of mine. In 1981, five years after his enthronement, there was an attempted coup. I was a kid, & I'll never forget the news footage: a bunch of guys busted into Parliament and fired guns into the air. MP's covered their heads and ducked under their desks.

i ko'a ca lo bavlamdei cu cusku tolzanru lo bi'u nai nungunta ja'e lo nu lo bi'u nai troci cu fliba i ui io la xuan karlos

The next day the king condemned the attack, & the attempt failed. ¡Juan Carlos!

ni'o lo cnino datni zo'u ca ku lo creka ka'e se cpacu

Update: Now you can get the shirt.

Eendracht maakt macht : L'union fait la force

2007-09-22T00:07:00.001-04:00

ni'o lo gugde jufra po la belgik noi se nolraitru cu se fanva fu lu lo ka gunma kansi'u cu selja'e lo ka tsali li'u i pu zu lo masti be li ci loi jecta krati bu'u la belgik cu se cuxna i je ku'i lo go'i ca na ba'o kakne lo nu zbasu lo trugunma i ja'e bo za'u re'u se pensi fa lo du'u lo bi'u nai se nolraitru ba se fendi ju'o cu'i fi lo natmi i to'u nai da'i la vlanderen fa'u la ualonis zdani loi selbau be lo bangrnederlanda be'o ku fa'u loi selbau be lo fasybau i je la brusel se tcini lo nalfadni

i lo bi'u nai nuzba cu cinri i ku'i da'i nai lo'e ricfu gugde na na'o se fendi i lo nu na go'i cu se casnu loi kadno e loi spano e loi selgu'e be la italias be'o e loi brito gi'e ku'i no roi se gasnu

i to'e ki'u nai bo la'e de'u zdile i da friti lo nu vecnu la belgik kei ma'i la'o zoi eBay zoi gi'e ba bo pa re'u te friti lo ronru'u be li pa no ki'o ki'o

The motto of the Kingdom of Belgium means "Strength through unity". It's been three months since the elections in Belgium & still they haven't been able to form a government. This has led to renewed speculation that the kingdom will splinter along ethnic lines: Flanders for the Dutch-speaking Flemings, Wallonia for the French-speaking Walloons, & some special status for Brussels.

It's a good story, but in reality wealthy countries don't split. They talk about it – in Canada, Spain, Italy, the U.K. – but it never happens.

That doesn't mean it's not fun. Someone offered Belgium for sale on eBay & received an initial bid of €10 million.

bifce : Bees

2007-09-14T13:25:00.000-04:00

ni'o do djica lo nu kakne ma noi balmau lo rarna i ti'e so'i da go'i lo nu kakne lo nu menli muvgau i ju'a mi go'i lo nu kakne lo nu prane morji i ji'a go'i lo nu kakne lo nu jitro lo bifce jenmi

ni'o lo'e di'i tcidu cu zgana lo du'u mi ze'u na'e ciska i lo se go'i cu se krinu lo du'u mi co'a se jibri lo re moi i ei mi cilre lo tadji be lo nu cafnymau ciska lo cmamau

What superpower do you want? I hear many people want telekinesis. I would like perfect memory. I would also like control over an army of bees.

Faithful readers will note I have not written in some time. It's because I picked up a second job. I'll have to figure out how to write shorter pieces more often.

2007-08-15T23:31:00.000-04:00

di'a jmive pe'a : Back from the dead

2007-08-14T12:18:00.000-04:00

ni'o la'o zoi Language Hat zoi jundygau fi le pa seltcidu be fi la'o zoi San Francisco Chronicle zoi noi karni bei se ra'a le pa nanla be bu'u la tciles be'o noi ca nonkansa gasnu lo nu za'u re'u jmive pe'a fa le pa bangu noi pu zi co'u ve tavla ku'o no'u la selknam to va'i la onas toi i la'o zoi Joubert Yanten zoi noi nanca li pa xa cu cilre se pi'o le su'o re cukta e le su'o re sance vreji

ni'o e'u do tcidu le bi'u nai karni co'e i to'e ki'u nai bo le se go'i cu na'e mutce jundi se finti i mu'a le finti be le go'i cu xusra lo du'u le bi'u nai bangu cu co'u ve tavla ca le bi moi dekna'a i je ku'i ti'e ju'o cu'i so'o tavla be le bi'u nai bangu cu jmive ca le pa no do'a nai moi dekna'a i mu'a le bi'u nai finti cu xusra lo du'u le bi'u nai bangu cu ckaji ly zy fy i je ku'i mi na facki fi le drata krasi be le se go'i i mu'a nai ku'i le cuntu pe le bi'u nai seltcidu cu vajni i so'o banskepre cu smadi lo du'u ji'i mu no ce'i lo ji'i xa ki'o terdi bangu ba za lo nanca be li su'e mu no cu morsi pe'a ja mrojibni pe'a i le bi'u nai nanla ta'i lo nu rejgau fi lo morsi pe'a jo'u mrojibni pe'a bangu cu gunka le vajnyrai be ma'i lo banske bei fi'o krici la'o zoi John McWhorter zoi to ji'a lo drata la'a toi

Language Hat notes an article in the San Francisco Chronicle about a boy in Chile who is single-handedly reviving a recently extinct language, Selk'nam (also called Ona). Joubert Yanten, 16, is teaching himself with books and recordings.

Go ahead and read the article, although it's not very carefully written. It claims the language died in the '70's, but there seem to have been some living speakers as late as the '90's. It claims that it is OSV, but I can't find confirmation of that anywhere else. But the issue is important. Some linguists estimate that 50% of the world's 6000 languages will be extinct or moribund within 50 years. In preserving extinct and moribund languages, this kid is contributing to what John McWhorter (and probably others) consider the most important work in linguistics.

nunvi'u tadji : Withdrawal method

2007-07-18T11:39:00.000-04:00

ni'o to'i ni'a cnino datni toi mi so'u roi te karni le nunjamna i ki'u bo mi tcidu mu le prekarni be lo je'arcu'u ca ro le djedi gi'e djuno no da poi mi ka'e jmina ke'a i ku'i mi ca le cabdei cu co'a pensi da poi mi na ca'a tcidu se ra'a ke'a i sa'e go'i le re mei be se ra'a lo nu le merko cu vimcu le jenmi be my la irak

i pa mai fanza cladu pante fa so'o le me la'e zoi zoi Republican zoi cmima be la'o zoi Senate zoi to la'o zoi Coleman zoi pe la minysotas ge'u ce la'o zoi Domenici zoi pe la cninomeksykos ge'u ce la'o zoi Lugar zoi pe la indianas ge'u ce la'o zoi Voinovich zoi pe la o'aios ge'u ce la'o zoi Warner zoi pe la vrdjinias toi i to'e mu'i nai bo pe'i sai le go'i ba ca'a tugni la tcinis ce la buc lo nu pleji fo lo nu le nunjamna cu ranji ji'e lo nu le nunca'i be le se nei cu se fanmo i ki'u bo lo nu vimcu le jenmi kei ba mutce nandu gi'e jecta xrani le ro prenu poi srana vo'a i lo ni lu'o la'e zoi zoi Republican zoi cu ca ruble cu ba se jalge lo nu lo nu ry vimcu le jenmi cu se jalge da'i lo nu ry ze'u lo dekna'a be li so'o ba se xrani i xagmau fi ry fa lo nu ry denpa cilre lo jei pa le me la'e zoi zoi Democrat zoi cu jinga binxo le ralja'a ca lo bavlamna'a kei gi'e ba bo jdice fi lo selpla

i re mai le merko ba bilga lo nu vimcu pi so'a le jenmi i la'e di'u ba mutce nandu gi'e zmadu ro da poi le merko jenmi ba zo'e pe la vietnam cu troci ke'a ku'o lo ka pluja i je loi karni selsku ba tcexlali i ru'a se bilga fa lo nu vimcu ro le cakykarce e ro la'e zoi zoi humvee zoi ve ka'a lo xamsi i se ni'i bo se bilga fa lo nu ro le bi'u nai marce cu xe klama fo la ku,uait kei ji lo nu so'o le bi'u nai marce cu ka'e xe klama fo la tiurki,ies i mi na ka'e drani spuda la'e di'u i ku'i mi birti lo du'u le me la'e zoi zoi Democrat zoi ralja'ajvi cu bilga lo nu gasnu lo nu lo ba'o jenmyja'a ku ce lo nunjamnyskecre cu ba'e ca co'a se jibri lo nu platu

ni'o lo cnino datni zo'u ti'e la xilyris ca jundi

[Update below.] Generally I don't post about the war, because I read about five political blogs every day & don't have anything to add. Today, however, something occurred to me that I haven't seen anywhere else -- two issues concerning U.S. withdrawal from Iraq.

1. Despite the recent grating protestations from some Republican senators -- including Coleman of Minnesota, Domenici of New Mexico, Lugar of Indiana, Sununu of New Hampshire, Voinovich of Ohio, and Warner of Virginia --, I strongly suspect that when it comes to votes they will all side with Cheney & Bush to keep the war funded through the end of their term. The reason for this is that withdrawal will be very difficult, and will be politically detrimental to all who are associated with it. The Republicans are so weak now that if they withdraw, it would disable their party for decades. Better for them to wait and see if the Democrats win the White House next year, and take it from there.

2. At some point the US will have to withdraw almost completely. That's going to be very difficult, something on a scale of which it hasn't attempted since Vietnam. The media coverage will be brutal. Presumably you have to get tanks and humvees out by sea -- would they all have to go down to Kuwait, or can you take some through Turkey? I don't know the answers, but I do know that the Democratic presidential candidates should be hiring retired generals and military science teachers to start drawing up plans, er, now.

Update: Looks like Hillary's on it.

loi ba'e bropre : Even the Jews

2007-07-12T15:47:00.001-04:00

ni'o la'o zoi Paula zoi terpinka be fi'o se spuda le lamli'e seltcidu be'o terpreti fi lu ma xebro xebni pagbu li'u i mi gleki lo nu le go'i cu terpreti i mi pu tolkufra lo du'u mi sitna da'i nai le pagbu be le seltcidu be'o goi ko'i na gi'e ciska le fukpi be le karni seltcidu noi se du'u ko'i zasti i py xlura mi lo nu a'i troci lo nu facki ko'i i je ko'i selyli'e i le jdaselsku be te zu'e lo nu loi xebro cu lijda binxo cu se cusku ca lo po'o mumymomdei co tersla be lo nu la xristos mrobi'o i mi pagbu selsre la'a fanva fi lo latmo	Paula, commenting on the previous post, asks, "What was the anti-Semitic part?" I'm glad she asked. I felt uncomfortable parroting the media reports of the existence of this passage, rather than actually citing it. She inspired me to spend a little more effort in finding it, so here it is. The prayer for the conversion of the Jews was said only on Good Friday. The translation from the Latin, flaws and all, is my own.
Orémus et pro Iudæis: ut Deus et Dóminus noster áuferat velámen de córdibus eórum; ut et ipsi agnóscant Iesum Christum Dóminum nostrum. Omnípotens sempitérne Deus, qui Iudeos étiam a tua misericórdia non repéllis: exáudi preces nostras, quas pro illíus pópuli obcæcatióne deférimus; ut, ágnita veritátis tuæ luce, quæ Christus est, a suis ténebris eruántur.
ni'o ji'a ei ma'a jdacpedu se va'u loi bropre te zu'e lo nu la cevn e le nolja'a pe ma'a cu vimcu lo gacri lo cnise'i be by kei e lo nu by krici xusra tu'a la iecu,yx xristos noi nolja'a ma'a i e'o cai ga'i nai cai doi la cevn noi roldavyvlipa je cimni zi'e noi na fanta lo nu kecti loi ba'e bropre do'u do tinju'i lo jdaselsku be mi'a be'o poi mi'a friti ke'a mu'i lo ka by to'e ka'e viska ku'o i je a'o cai by va'o lo nu ba'o krici xusra tu'a lo gusni po'e lo ka jetnu po'e do ku no'u la xristos cu se rivbygau fi lo ka manku pe vo'a	And let us pray for the Jews, that God and our Lord lift the veil from their hearts, and that they acknowledge Jesus Christ our Lord. All-powerful and ever-living God, who rejectest not even the Jews from thy mercy, hearken unto our prayers, which we offer on account of the blindness of that people, so that, having recognized the light of thy truth, which is Christ, they might be rescued from their darkness.

Ite, missa est

2007-07-09T12:36:00.000-04:00

ni'o mi ca lo nu verba cu djica lo nu mi ca lo nu makcu cu jatnrpapa i ki'u bo le ca'a cnino jatnrpapa cu certu lo nu lo ji'i pa pa mei cu bangu vo'a i je mi menli xregau fi le bi'u nai selcre noi mi djica lo nu panra certu ke'a ku'o e le ca'irjibri i nau ku mi na djica lo nu mi jatnrpapa i je ku'i mi ru'i jundi zo'e pe la vatikanas

ni'o le cnino cnino jatnrpapa no'u la poi pa xa moi benediktus goi fo'a to fo'a ba ro roi se cmene zo ratsingr mi toi cu ba'o jdice lo nu curmi lo nu ro jdaca'i cu pilno le la'orbau ke ri'irnunjmaji seltcidu pe la tridentum ge'u ku i ri de'i li pa mu ze no bi'o pa so ze no cu se pilno gi'e se pagbu lo pa jufra co tolsinma be loi broseljda i i'a nai i'e nai lo nu lo bi'u nai jufra cu se vimcu cu cumki

ni'o mi ji'u le bi'u nai cuntu e le drata cu te sidbo fi lo du'u la ratsingr senva lo pu zu la'orxi'ojda no'u lo ropno terganzu poi birti pe'a lo du'u mulno drani je vrude i za'a fo'a naldunku lo du'u lo nu troci lo nu rongau le bi'u nai lijda kei cu ba rinka ju'o cu'i lo nu lo nu ly zenba lo ka ruble cu zenba lo ka sutra i je drani go'i i lo ka fo'a seljda lacri je krici cu simlu lo ka mapti

When I was a kid, I wanted to grow up to be the Pope. This was because the new Pope was fluent in, like, eleven languages, & I conflated this skill, which I desired for myself, with the office. I don't want to be the Pope anymore, but I still keep an eye on the Vatican.

The new new Pope, Benedict XVI (he'll always be Ratzinger to me), has decided to allow any priest to say the Latin Tridentine Mass, which was used from 1570 to 1970, and which contains some text insulting to the Jews. They could have taken that out.

I get the idea, from this and other things, that Ratzinger dreams of the Church of long ago, a European institution secure in its total correctness and virtue. He seems unconcerned that trying to Europeanize it will hasten its decline. Nor should he be. His faith seems appropriate.

xu ma'a ca mo'u klama : Are we there yet?

2007-07-03T12:42:00.000-04:00

ni'o mi pensi co cusku be di'e i tu'e pau nai loi latmo ca ma cu co'a jimpe lo du'u le jecta cu ba'o farvi da poi ba na'e pu'i se cikre i pau nai lo nu mrobi'o fa la tiberius sempronius grakus a la gaius noi bruna ra

i ju'o cu'i lo nu la marius cu xa re'u se cuxna ja'e lo nu my ba me zoi zoi consul zoi

i ju'o go'a pu lo nu loi liste pe la suluas co'a se viska bu'u la forum tu'u

Just thinking out loud here. When did the Romans figure out that their state had reached the point that it could no longer be repaired? Was it at the death of Tiberius Sempronius Gracchus? Or of his brother Gaius?

Maybe it was the sixth time Marius was elected consul.

Certainly by the time Sulla's lists began appearing in the Forum.

zoi py 硫黄島 py e nai zoi py 硫黄島 py co'e : It's 硫黄島, not 硫黄島

2007-06-22T15:36:00.000-04:00

ni'o la'o zoi Guardian zoi gubjungau lo du'u le ponjo trugunma cu ca jundi le pu xabju noi pante ku'o gi'e bastygau zoi py Iōtō py zoi py Iōjima py to va'i zoi py Iwo Jima py toi

i le re cmene cu se ciska se pi'o le mintu ke ponjo lerfu to zoi py 硫黄島 py noi valsi fi lu sliri to zoi py 硫黄 py toi daplu to zoi py 島 py toi toi i so'e lo ponjo jugle'u cu lerfu fi su'o re lo se bacru no'u sa'u nai su'o ponjo e su'o jungo selcmu i le bi'u nai valsi zo'u le jungo selcmu terle'u be fi zoi py tō 島 py pu se bacru i ba bo le nolraitru blojenmi cu srera tcidu loi cartu ca'o lo nu zenba lo ni le daplu cu se badgau kei de'i li pa so vo vo i je bacru le ponjo no'u zoi py jima py i loi merko cu cilre fi le se go'i le nolraitru blojenmi

ni'o zoi zoi w zoi canci i ki'u bo lo go'i pu zu se bacru gi'e ba bo ru'i terle'u ma'i le ponjo slakyselyle'u e le latmo selyle'u be fi ri pu le galfi be le selyle'u bei de'i li pa so vo xa

The Guardian reports that the Japanese government has heeded the complaints of the former residents and changed the official name of Iōjima (Iwo Jima) to Iōtō.

Both are written identically in Japanese (硫黄島; the name means 'sulfur 硫黄 island 島'). Most Japanese kanji have at least two pronunciations: one native, and one based on the Chinese. In this case, the Chinese-based pronunciation of 島 (tō) was used until the Imperial Navy misread the maps during the 1944 build-up, and they used the native pronunciation (jima). The Americans picked up that pronunciation from the Imperial Navy.

As for the loss of the 'w', it reflects an archaic pronunciation that was retained in the Japanese kana and the Romanization until the 1946 writing reform.

Links:
Iwoto at Language Hat
Changing Roles of Katakana (and Italics) at Far Outliers

New Europaio grammar : cnino cukta lo gerna be la'e zoi Europaio zoi

2007-06-20T13:13:00.000-04:00

ni'o mi de'i li no vo pi'e pa mu pu cusku se ra'a le cukta be lo gerna be la'e zoi zoi Europaio zoi be'o bei la'e zoi zoi Dnghu zoi i je mi se kai lo ka mi toltce pensi ce'u cu te pinka fi lo du'u le seltcidu cu di'i nai se dicra lo mlibra citri be lo valsi i ua za'a ba bo lo prenu pe la'e zoi zoi Dnghu zoi cu junri jundi le bi'u nai pinka be fi mi gi'e ca ba'o gafygau fi le bi'u nai gerna cukta i ca ku le bi'u nai citri be lo valsi cu fanmo le bi'u nai cukta i ja'e bo to dei se cusku mi le mamta be mi toi le go'i cu simsa le'e cpana rutrceraso i oi nai kukte

Back on 15 April I mentioned Dnghu's Europaio grammar & commented somewhat offhandedly that the text was interrupted by longish word histories. The Dnghu people took my comment seriously and have revised the grammar. Now the word histories are at the end of the book, where, as I remarked to my mother, they are like a "cherry on top". Tasty!

bangrlivi je'i sanbau : Livonian or Spanish?

2007-06-19T11:11:00.000-04:00

ni'o lo so'u ji'i pa no prenu a ju'o cu'i lo so'u ji'i re no prenu bu'u la liatyviias cu certu se bangu lo bangrlivi goi ko'a i loi bangrsuomi joi za'e bangrgiugra cu banlanzu ko'a e lo bangrsuomi e lo bangrxesti e lo drata i ko'a ze'u lo nanca be li so'o ve cu'u la'o zoi Deutsche Welle zoi cu jdika gi'e ku'i xarnu pe'a fi lo nu na'e canci

ni'o za'a lo su'u lo'e selgu'e be la liatyviias cu cuxna lo re moi bangu cu cinri

i lu ga nai da cilre fi lo bangrlivi e nai lo sanbau gi lo natmrlivi na ba mrobi'o pe'a li'u se cusku la'o zoi Beate zoi poi nanca li pa ze zi'e poi pu za lo nanca be li re cu co'a cilre fi lo bangrlivi i ce'o lu mi ba selsau ly gi'e ctuca lo panzi be mi ly i ro da djica lo nu cilre fi lo sanbau i je bo ku'i da mu'i ma cu nitcu lo nu se tcaci lo se go'i li'u se cusku by

i lo sanbau ue sai va'o ma cu jai tcaci bu'u la liatyviias

About a dozen people speak Livonian fluently, maybe two, over in Latvia. It's a member of the Finno-Ugric family, along with Finnish, Estonian, and others. It has been declining for years but refuses to die, as reported by Deutsche Welle.

Apparently the Latvians have an interesting approach to second languages.
"If you learn Livonian and not Spanish, the Livonians won't die," said 17-year-old Beate, who started learning Livonian two years ago. "I will know it and teach it to my children," she said. "Everybody wants to learn Spanish, but why would you need to go after the fashion?"
How did Spanish become fashionable in Latvia?

lo bangrkotava natmi ba'o cusku : Kotava nation has spoken

2007-06-08T20:06:00.000-04:00

ni'o mi pu vitke pe'a lo snustu pe la'o zoi Kotava zoi ku noi ta'o pa da pe bau lo glico cu pagbu ke'a i ta'o nai ma'i bo mi reisku la'e di'e i tu'e pa mai xu ky ckaji lo ka lo za'e frivla ce'o lo za'e zu'evla cu na'o lidne lo za'e fauvla kei goi ly zy fy i re mai ki'u ma go'i tu'u

i da'i nai lo valsi porsi cu mutce jai selzi'e i ku'i ly zy fy traji lo ni lo jufra cu ckaji ce'u kei i ra'u go'i lo ni lo cmalu ja selci'a jufra cu ckaji ce'u i lo nu pu zu zmanei cu krinu la'e di'u e de'u

ni'o la'o zoi Kotavafamik zoi noi spuda cu jmina cusku

lu la'o zoi Staren Fetcey zoi noi finti la'o zoi Kotava zoi cu pa roi ciksi fi mi fe lo du'u lo bi'u nai valsi porsi cu xamgu lo ka lo se tavla cu jundi i lo se tavla cu ja'a bilga lo nu tinju'i ro lo'e jufra goi ko'e i lo vajnyrai datni no'u lo zu'evla ku jo'u lo fauvla cu fanmo ko'e i ja'e bo ri zenba fi'o cfari lo tolvajnyrai fi'o fanmo lo vajnyrai li'u

i mu'a lu
la pier ba sazri lo pa cnino karce
li'u cu se fanva fu zoi zoi
Va warzaf direm Pierre statar zoi a zoi zoi
Pierre va warzaf direm statar zoi a zoi zoi
Pierre statar va warzaf direm zoi a zoi zoi
Statar Pierre va warzaf direm zoi

I visited the Kotava forums (there's a little English section) and asked (1) is it an OSV language and (2) if so, why.

It turns out that word order is very free, but OSV is the most common, especially in writing and in short sentences. This is largely due to the practice being preferred early in the language's history.

The respondent, Kotavafamik, also said the following:

Staren Fetcey, the creator of Kotava, explained me once that this sentence order is an advantage about the attention of the person talked. Indeed, listening is suspended to hear all the sentence. The most important information (subject and verb) is at the end. The sentence is thus a kind of crescendo from the least important until the essential.

For example:
Pierre will drive a new car.
Va warzaf direm Pierre statar.
Pierre va warzaf direm statar.
Pierre statar va warzaf direm.
Statar Pierre va warzaf direm.

ko ta va pojgau : You down wit' OSV?

2007-06-01T16:30:00.000-04:00

ni'o mi fi'o jarco lo te tolmorji po'u ju'o cu'i la'o ly Blogg Marteins Sveinssonar ly cu facki fi la'o ky Kotava ky goi ko'a noi rolnai za'e djubau gi'e se finti lo pa prenu de'i li pa so ze bi i lo pa ralju ke jondatnymu'e selci'a be se ra'a ko'a cu co'e bau so'o da i je ku'i so'a lo tcila ke jondatnymu'e selci'a cu co'e bau lo fraso po'o i mi milxe certu lo ka se bangu lo fraso i se ki'u bo e'u sai do na'e mulno lacri mi lo nu mi jetnu skicu ko'a

ni'o ko'a simsa la lojban lo ka lo finti be ce'u cu djica lo nu ce'u kulnu nutli i je ku'i je'u ko'a je'a simlu lo ka ce'u ropno i za'a ro lo valsi be fo ko'a cu se finti fo no da i lo ka ko'a ropno ta'i la'e di'u cu se mipri je nai jdika

ni'o lo ka lo'e za'e frivla cu lidne lo'e za'e zu'evla kei joi ka lo'e zu'evla cu lidne lo'e za'e fauvla kei ku goi ly zy fy cu nalro'o selkai ko'a gi'e spaji mi i pe'i lo go'i cu traji lo ka spaji kei fo lo'i selkai be ko'a i to ma'i lo glibau lo'e zu'evla cu lidne lo'e fauvla i je ri lidne lo'e frivla i ma'i la lojban lo'e zu'evla simsa cu lidne lo'e fauvla simsa e lo'e frivla simsa toi i ly zy fy se rirci fi lo'i rarbau gi'e selkai ji'i pa re lo rarbau to ko catlu lo glibau liste toi

Via an unremembered portal, possibly Blogg Marteins Sveinssonar, I stumbled upon Kotava, an international auxiliary language created in 1978 by a lone toiler. The main web page is in many languages, but almost all the detail pages are only in French. My French is not great, so take my assessment with a grain of salt.

Although Kotava, like Lojban, aspires to cultural neutrality, it nonetheless has a distinctly European feel. The vocabulary seems to be completely invented, which obscures but does not diminish the fundamental Europan character of the language.

The non-European attribute which struck me -- indeed the most striking attribute of the language -- is the OSV word order. This means the object precedes the subject, which in turn precedes the verb. (English is an SVO language; Lojban is sort of SVO/SOV.) OSV is rare; about twelve natural languages feature it:

Brazil A'uwẽ (Xavante)
Papua New Guinea Ambulas
Brazil Apurinã
Brazil Jamamadí
Brazil Jaruára
Brazil Kayabí
East Timor Kemak
Papua New Guinea Kwanga
Brazil Nadëb
Australia Ngarinyin
Canada X̲aat Kíl (Haida)
Brazil Yuhup

Pork vs boa

2007-05-24T22:05:00.000-04:00

ni'o ni'o mi ca lo prulamdei ca'o lo nu vo'a mo'i pa'o la'o zoi the Village zoi cu cadzu cu klama mo'i zo'a pa bi'u ninmu i je norcizra ja tolcizra fa pi so'a loi taxfu be ny be'o e nai ku'i lo pelxu ke pimlu clane'ota'u i ca bo mi ba zi kansa pa pendo lo nu vacysai citka i se mu'i bo mi jungau py lo du'u go'e i py ba lo nu mi tilze'a skicu ny cu cusku lu ju'o cu'i ny du la'o zoi Laurel Touby zoi li'u i ly ty na pu slabu mi i mi ca lo nu mi ba'o klama lo zdani cu siskrguglu ly ty i bo ua ri ja'a du ny

ni'o ni'o mi ca lo zeldei cu klama la'o zoi Red Hook Park zoi noi panka ku'o te zu'e lo nu citka lo xispo cidja poi lo vecnu ca ro xavdei ja zeldei cu friti ke'a i mi terve'u fo lo rupnu be li mu fe pa xarju rectu snujrkesadilia poi tcecai je melbi kukte i je co'e pa tcatrxamaika noi tcati la'e zoi zoi hibiscus zoi i to mi ponse no samkacma i ku'i lo pixra bu'u ti cu ka'e se catlu toi i ba ku mi zgana pi so'o lo tipyboi terjvi i lo tcima cu xlali gi'e sa'u nai ckaji lo ka lo tsani cu grusi e lo ka milxe carvi i je ku'i to'e ki'u nai bo mi selzdi lo nu dzukla lo panka ku ce'o lo zdani

Yesterday while walking through the Village I passed by a woman who was ordinarily, even conservatively dressed, except that she was wearing a yellow boa. I was on my way to meet a friend for dinner, so I mentioned this to her. After I described the woman more thoroughly she said, "Maybe it was Laurel Touby." Never heard of her. When I got home I googled her & indeed it was she.

Saturday I went down to Red Hook Park to try out the Latin American food from the vendors who set up every weekend. I got a $5 pork quesadilla -- transcendently beautifully delicious. Also a jamaica -- a tea made from hibiscus. (I don't have a camera, but you can see pictures here.) Then I watched some soccer. It was a crappy day -- grey and drizzly -- but I enjoyed the walk there and back anyway.

Europaio, or Modern Indo-European

2007-04-15T21:53:00.000-04:00

ni'o lo pa moi be lo'i pagbu be lo cukta be lo gerna be la'e zoi by Europaio by goi ko'a cu skami gubni ve cu'u la'o ly Blogg Marteins Sveinssonar ly

i ko'a no'u va'i le cabna xinjoironbau cu za'e djubau ra'i lo saske xanri dzena bo xinjoironbau i lo finti be ko'a cu gunka te zu'e lo nu ko'a ba se cuxna la ropno jecta gunma i mu'i bo lo bangu tcini be ry jy gy cu ca nadze'a ri'a lo re ci mei be lo'i ca ba'o selcu'a bangu be'o noi ba zi zenba

ni'o ta'o lo gencku cu tceci'i i ku'i la'e di'e cizra i so'a valsi be fi ko'a be'o pe gy cu vi lidne lo barda velski be vo'a ku jo'u lo so'i simvla be bau loi cabna i la'e di'u mutce dicra lo pu'u tcidu gy

ni'o ta'o nai mi pu zu lo masti be li so'o cu te sidbo la'e da'u i ku'i mi nau mutce krici lo du'u ry jy gy ri'a lo nu lo fanva zmiku cu ba ru'i xagze'a cu kakne lo nu ru'i zenbygau lo ni selcu'a bangu

I read over at Blogg Marteins Sveinssonar that volume one of the Europaio grammar is now online.

Europaio, or Modern Indo-European (MIE), is an auxlang based on reconstructions of Proto-Indo-European. Its designers are working toward making it an official language of the European Union. With 23 official languages currently, and more on the way, the linguistic situation in the EU is becoming unwieldy.

(The grammar is very interesting. Oddly, however, every MIE word is immediately followed by a full derivation, severely interrupting the flow of the text.)

I toyed with this idea myself some months ago. But now I strongly suspect that advances in machine translation will allow the EU to continue tacking on official languages.

lo re so mei cu banzu : Twenty-nine suffice

2007-04-15T20:52:00.000-04:00

ni'o la'e di'e se sitna fi la'o gy International Herald Tribune gy

ni'o tu'e pu ki ku lo pa nalvajni cu co'a se jundi la'o ty Hanife Sahin ty goi sy noi jibysti lo nu kujmikce i to'u nai lo pa trugunma catni cu stidi lo nu loi lerfu be lo bangrtiurki be'o goi ly cu zenba ja'e lo nu ly cu ci re mei kei te zu'e lo nu ly xagze'a fi lo nu mapti loi sance pe lo rabybau i ki ku lu mi pu je ca cu snada se pi'o lo re so mei li'u se cusku sy noi cisma tu'u

From the International Herald Tribune:

A small thing had caught [retired nurse] Ms. [Hanife] Sahin’s attention. A government official had recently suggested increasing the number of letters in the Turkish alphabet to 32 to allow the language to better accommodate Arabic sounds. “I’ve done pretty well with 29 so far,” she said, smiling.

kampivara ca la kuadragesim : Capybara for Lent

2007-03-30T13:48:00.000-04:00

ni'o lo vacmurse bu'u lo za'e tedysfemidju cimtu'a pu cfari i ca'o bo la xosEp isma,El ximenes cu gasnu lo nu lo jesxa'i cu farsni lo bi'u mabrnrodenti noi simsa lo'e gerku be la'o gy Labrador retriever gy lo ka barda i lo go'i se pi'o lo ka certu poi jalge lo nu vo'a ze'u lo nanca be li so'i cu rapcreze'a cu darxi lo rixpau be lo stedu be my lo jesxa'i

i lo bi'u nai nunkalte cu nu kalte fi na'e bo lo nu vimcu ro fanza danlu lo pintu'a be bu'u lo nanpau be la venesueluas i go'i fi lo sanmi i to'u nai lo rectu be lo kampivara noi traji lo'i mabrnrodenti fo lo ka barda

ni'o zu'u lo'e kampivara bu'u lo drata ke ketco gugde be mu'u lo ge'orgu'e e lo razgu'e cu ve cange te zu'e lo nu crepu lo skapi be vo'a i zu'u nai lo rectu be lo go'i bu'u la venesueluas cu seldjica je kukte cidja i je lo jdima be lo go'i cu pilji li re ji'i ma'u lo jdima be lo bakni rectu

ni'o lu ti noi jibri cu zmadu tu'a lo bakni lo ka nandu li'u cu se cusku la ximenes ca lo nu kalte lo kampivara ca lo nicte bu'u la'o sy Hato Santa Luisa sy noi cange gi'e kurctotre li pa xa ki'o i ce'o bo lu i ku'i dunli fi lo ni ce'u ve pleji li'u se cusku xy

i xy jo'u ze drata kalte noi pilno lo xumjimcelxa'i ku jo'u lo gasta tubnu cu catra pa bi kampivara ca lo bi'u nai nunkalte

ni'o lo nunkalte noi dikni fi lo nanca cu fasnu ca la kuadragesim noi le te ckini be ke'a bei lo kampivara cu simsa le te ckini be la'o gy Thanksgiving gy bei lo xruki i lo la'orxi'ojda cu tolcru lo nu lo mabru rectu cu se citka ca so'a djedi po la kuadragesim i to'e se mu'i nai bo so'i selgu'e be la venesueluas cu xusra lo du'u lo finpe cu zmadu lo mabru lo ka ce'u simsa lo kampivara i ju'o cu'i lo se go'i cu srana lo vrusi be lo kampivara joi silna be'o noi simsa lo vrusi be le finprsardina je xarju

ni'o lo kampivara cu se nelci la ugos tcaves noi ralja'a gi'e pu verba bu'u lo glare pintu'a be bu'u la venesueluas be'o noi so'i vo'a bu'u ke'a cu zvati

[From the International Herald Tribune:]

As dusk fell on the tropical wetland, José Ismael Jiménez pointed his harpoon at a rodent about the size of a Labrador retriever. With aim that comes from years of practice, he landed his spear on the back of its head.

But this hunt was not about ridding Venezuela's southern plains of varmints. It was about dinner. The hunter's only goal was the meat of the capybara, the world's largest rodent.

Unlike other South American countries, including Argentina and Brazil, where capybaras are raised mainly for their hides, in Venezuela the rodent's meat is a sought-after delicacy, fetching prices almost double those for beef.

"This job is harder than cattle," Mr Jiménez said while on a night hunt for capybaras on Hato Santa Luisa, a ranch spread over more than 16,000 hectares. "But it's just as rewarding."

Mr Jiménez and seven other hunters, armed with .22-calibre rifles and steel pipes, killed 18 capybaras during their foray.

The annual hunt comes before Easter, when capybara has a status in Venezuela similar to that of turkey during Thanksgiving. While the Catholic Church generally forbids eating meat during certain days of Lent, many Venezuelans insist the capybara is more akin to fish than meat. That may have something to do with how salted capybara tastes, resembling a mixture of sardines and pork.

Capybara aficionados include President Hugo Chávez, who grew up on Venezuela's steamy plains where the animals are common.

[New York Times capybara hunt slideshow]

simsa lo'e birkoku lo ni ce'u cmalu : Apricot-sized

2007-02-21T22:06:00.000-05:00

ni'o mi ze'a lo nanca be li so'o cu snesmi pacna lo nu mi ba ponse jajgau loi nalgli je suzrelbau vlafanvycku i na pu ja ca zasti fa lo tcini be lo nu mi kakne lo nu terve'u vy kei noi nalseltcu i ku'i su'a lo nu lo selpa'a be da cu binxo lo zasti cu cumki i ja nai bo lo nu da djica sy cu carmi la'u li pi rau

ni'o lo bi'u nai selpa'a be mi gau la poi pendo mi keit cu ca zasti i ta'i bo ky fi mi dunda bevri la'o dy Lilliput Schwäbisch dy pe la'o dy Langenscheidt dy i lo se go'i cu vlafanvycku bau lo do'orbau e lo bangrcuaba gi'e simsa lo'e birkoku lo ni ce'u cmalu

ni'o lo bangrcuaba e lo drata cu klesi lo bangrlalamana noi stici kaurdo'o i lo bangrcuaba cu co'e bu'u je vi la ctudgart

For some years I have dreamed of collecting non-English bilingual/multilingual dictionaries. I have not yet been in a position to spend money so frivolously. But dreams can come true, if you wish hard enough.

My friend Kate has made my dream come true, by bringing me Langenscheidt's Lilliput Schwäbisch. It's a Swabian-German/ German-Swabian dictionary, about the size of an apricot.

Swabian is a dialect of the West Germanic Alemannic language and is spoken in and around Stuttgart.

Links:
Lilliput Schwäbisch at Amazon.de
Swabian at Ethnologue
Swabian German at Wikipedia

li'a sai nuncelgunta bu'u la bruklyn

2007-02-18T02:33:00.000-05:00

ni'o mi ve cu'u lo prulamji selci'a cu na cusku lo se du'u vo'a xabju la bruklyn i li'a peisku lu li'a sai nuncelgunta vi lo se zvati be do i ki'u bo do xabju la bruklyn li'u i mi ca lo cabycte cu klama lo zdani be vo'a la xarlem fu lo trene i mi ca lo nu dzukla lo zdani cu zgana lo pa barda arxokuna i ri ragve lo klaji gi'e ca'u klama lo jai na'e se djuno i loi arxokuna ca lo nu mi verba cu pu ki xabju lo nenri be loi bitmu be lo zdani be mi bei bu'u la filuadelfiys i lo go'i pu bapli gasnu lo nu loi ricyratcu cu cliva i ki ku ba'e mi cu se spaji lo nu vo'a zgana lo pa arxokuna bu'u la bruklyn

I didn't mention in the last post that I live in Brooklyn. People must think, Well of course there was a shooting three blocks from you; you live in Brooklyn! So tonight I take the train home from Harlem, and I'm walking home, and across the street I see a big ol' raccoon, a little bit ahead of me, making his way to god-knows-where. As a kid, we had raccoons living in the walls of our house in Philadelphia. They had chased out the squirrels. But even I was surprised to see one in Brooklyn.

Ghost dawg

2007-02-12T21:43:00.000-05:00

ni'o mi jo'u la brad poi pendo mi to ta'o by tcecre lo nu zgike finti jo'u tigni toi ta'o nai za lo djedi be li ci ne'i ki lo pa barja pu ki pinxe lo birje i ba zu lo cacra be li ci xa ku mi pa re'u se jungau fi lo du'u lo pa pulji vi lo ci porla'i lajyterkruca cu ca se celgunta da mu'i no ba'u de i cizra fa lo du'u ti'e da speni lo bi'u pa pulji i ki ku ba'a ju'o sai lo pu'u pajni lo bi'u nai nuncelgunta kei cu ba cinri

Friday night I was drinking peacefully with my friend Brad (a great musician by the way). Little did I know until 36 hours later that a policeman had been shot three blocks away for no reason. Oddly, the shooter seems to have been the husband of another police officer. This is sure to engender a fascinating trial.

naldra sorprekarce : The wrong bus

2007-02-07T17:39:00.000-05:00

ni'o to'u la'o zoi Jaeyana Beuraheng zoi goi ko'a noi ninmu gi'e se krasi lo tcesnanu ke gugdrtai gugypau zi'e noi lo nu ke'a jmive cu nanca li ze xa pi su'o cu ca ba'o se xruti fi lo lanzu be vo'a i pu ki bo ko'a zu lo nanca be li re mu cu srera lo nu nerkla lo pa naldra sorprekarce i to'u nai tu'e ko'a se bangu lo me la'o my Patani my meljo e nai lo bangrtai i ko'a pu klama la'o my Kota Bharu my ne ne'i lo mejgu'e te zu'e lo zu'o terve'u i ba za bo ko'a nerkla lo sorprekarce te zu'e lo nu xrukla lo zdani ne ne'i la'o ty Narathiwat ty noi gugypau i ku'i ko'a srera gi'e se bevri fi la kruntep no'u va'i la bankok ge'u zi'e ne be'a vu lo ki'otre be li pa ci no no i ko'a nerkla lo drata sorprekarce poi ko'a krici lo du'u ke'a ba mo'i ne'u klama ku'o gi'e ku'i se bevri fi la'o ty Chiang Mai ty ne be'a vu lo ki'otre be li xa mu no i ko'a ze'u lo nanca be li mu cu jmive renvi ta'i lo zu'o pikci i ba bo ko'a de'i li pa so bi ze cu se kavbu lo pulji gi'e se bevri fi lo jecydi'u be se va'u loi zdacau i lo du'u ko'a ka'e bacru no da cu se krici i ba zu bo loi ci tadni be ra'i la'o ty Narathiwat ty de'i li re no no ze pi'e pa cu klama te zu'e lo nu gunka bu'u lo bi'u nai zdacau jecydi'u kei gi'e ka'e tavla ko'a fo lo bangu be vo'e tu'u

Jaeyana Beuraheng, a 76-year-old woman from a province in the far south of Thailand, was returned to her family after taking the wrong bus 25 years ago.

Ms Jaeyana, who speaks Patani Malay but not Thai, had traveled to Kota Bharu, Malaysia to go shopping. She then boarded a bus to return to her home province of Narathiwat, but having made a mistake she was instead driven to Bangkok, 1300 km to the north. She boarded another bus which she thought was heading south, but wound up in Chiang Mai, another 650 km north.

She got by for five years as a beggar, until she was arrested in 1987 and brought to a state homeless shelter. She was thought to be mute until last month, when three students from Narathiwat came to work at the shelter and were able to speak to her in her own language.

jungo panra be zo senci : Chinese "sneeze"

2006-09-30T22:36:00.000-04:00

ni'o ba'a nai mi pu za lo jeftu be li so'o cu co'a darlu fapro pa bi'u nanmu goi ko'a lo ni loi jungo cu kakne lo nu tcidu jo'u ciska i mi ki'u lo nu mi'a ti'u li 03 cu zvati lo barja cu na mulno morji lo se darlu a lo te darlu i sa'e nai lo ci'arci'e co jungo jo'u ponjo cu se gunta mi gi'e te badgau ko'a

i ko'a pu ze'a lo nanca be li so'o cu xabju lo pongu'e i je bo lo re bi'u nai bangu cu milxe do'a slabu mi e'e nai i e'e cu'i je ku'i lo juglerfu ca lo nu verba cu co'a slabu mi i to'e se ji'u nai bo nandu fa lo nu mi snada darlu da i lu'a ri cu se cmima le du'u lo ni loi jungo cu kakne lo nu tcidu jo'u ciska cu ba ro roi rinju lo du'u lo selci'a valsi cu toltce mapti lo selbacru valsi

i mi ca lo bi'u nai nu darlu cu na kakne lo nu facki lo krinu be lo du'u lo bi'u nai ka toltce mapti cu na se rinju lo ni loi ba'e ponjo cu kakne lo nu tcidu jo'u ciska i je ku'i ba za bo mi co'a jimpe lo du'u lo ponbau cu pa moi bangu pi so'a loi ponjo kei e ku'i lo du'u lo bangu tcini pe loi jungo cu mutce drata i to'u nai lo jugbau cu banlanzu da'i nai ji'i 8 bangu i lo trugunma cu xusra lo du'u la'e zoi jy 普通話 putunghua jy lu'u noi krasi la beidjin gi'e se jutsi la'e zoi jy 官話 guanhua jy no'u va'i la'o gy Mandarin gy cu te ckule fu vo'a i se ni'i bo so'o xecto megdo be lo prenu cu tadni lo nu bau lo 2 moi cu tcidu jo'u ciska gi'e nai pu cilre fi lo nu bau lo 1 moi cu tcidu jo'u ciska li'o sa'a

ni'o so'o selci'a be se pa'u la'e zoi gy pinyin.info gy cu srana lo bi'u nai cuntu i mi sitna la'e lo glico panra be lu lo jugbau ki'u ma kau cu mabla tcenandu li'u ku pe fi'e la'o gy David Moser gy zi'e pe se cu'u lo panra be

lu lo jungo cu na ka'e morji lo cunso barna i da'i nai lo fange tadni be lo jugbau cu mutce se pluka lo nu zgana lo nu da poi jbena se bangu cu na kakne lo nu ciska lo lerfu po de poi cafne valsi i li'o sa'a za'a lo ciska jo'u tcidu stati jungo cu tolmorji fi lo lerfu po lo panra be lo cafne valsi no'u fu'e mu'a lu lante be fi lo tinci li'u e zo cidni e zo luptci e zo bircidni e zo zingibero e zo kicne e lo drata fu'o i sa'e bo lo bi'u nai jungo na kakne lo nu ciska lo ba'e pa moi barna po lo bi'u nai lerfu i pau nai xu cumki fa lo nu do xarpei lo nu lo'e pa mutce xamgu se ctuca glico be lo ka selbau cu mulno tolmorji fi lo nu ciska lo panra be lo cafne valsi ku no'u fu'e mu'a zo cidni a lu lante be fi lo tinci li'u fu'o ge'u a lo tolcafne valsi no'u fu'e mu'a zo sludemcro a zo ginfu'izmase fu'o i mi cu pa roi dormijysai penmi 3 ve balcu'e be fo la beidjin be'o poi tadni lo jugbau gi'e jungo lo ka jbena ku'o zi'e poi pa lu'a ke'a cu se krasi la xongon i je bo mi ca lo nu go'i cu bilma gi'e troci lo nu te notci lo nu na ba kakne lo nu penmi pa pendo ku pa cmalu py i za'a mi na kakne lo nu morji zoi jy 嚏 ti jy noi lerfu gi'e pagbu zoi jy 打喷嚔 da penti jy noi valsi zo senci i mi cpedu lo nu lo bi'u nai lerfu ta'i ma kau cu se ciska kei lo bi'u nai 3 se penmi i je bo ue lo te go'i cu burna lafmuvgau lo janco i no lo go'i cu kakne lo nu drani ciska lo bi'u nai lerfu i ju'a lu jungo me la xarvrd li'u so'e roi tcita lo balcu'e po la beidjin i pau nai xu cumki fa lo nu do xarpei lo nu da'i 3 lo ve balcu'e be lo glibau bei fo la xarvrd cu tolmorji fi lo nu ciska lo glico panra be zo senci i je ku'i lo bi'u nai tcini cu na'e tolcafne bu'u lo jugygu'e li'u

A few weeks back I got into an argument with a dude over literacy in China. The circumstances (3 a.m., local tavern) were such that I don't remember quite what our respective positions were. But broadly speaking, I was running down the Chinese and Japanese writing systems & he was defending them.

The problem was that he had spent some years in Japan, whereas my understanding of the languages is almost nil, although I have had some familiarity with hanzi since childhood. Still, it was difficult to back up my points, one of which was that literacy in China will always be hampered by the tenuous connection between the written and spoken word.

At the time I couldn't quite come up with any reason why that wouldn't hamper literacy in Japan as well, although since then it has occurred to me that while the vast majority of Japanese have Japanese as their first language, in China a vastly different situation holds. Chinese is really a language family rather than a language, comprising eight languages or language groups. The government insists that only Mandarin (specifically 普通话 putonghua, which is a Beijing dialect) be taught in schools. Therefore, millions of people are learning a second language and literacy at the same time, without ever learning literacy in their first language. On top of that, there is not much tradition of writing the non-Mandarin Chinese languages, so the writing system, which is less than ideal for Mandarin, is even less suited for the others.

Over at pinyin.info there are several essays addressing these issues. I include below a bit from David Moser's "Why Chinese is so damn hard".
Chinese people are not born with the ability to memorize arbitrary squiggles. In fact, one of the most gratifying experiences a foreign student of Chinese can have is to see a native speaker come up a complete blank when called upon to write the characters for some relatively common word. ...I have seen highly literate Chinese people forget how to write certain characters in common words like "tin can", "knee", "screwdriver", "snap" (as in "to snap one's fingers"), "elbow", "ginger", "cushion", "firecracker", and so on. And when I say "forget", I mean that they often cannot even put the first stroke down on the paper. Can you imagine a well-educated native English speaker totally forgetting how to write a word like "knee" or "tin can"? Or even a rarely-seen word like "scabbard" or "ragamuffin"? I was once at a luncheon with three Ph.D. students in the Chinese Department at Peking University, all native Chinese (one from Hong Kong). I happened to have a cold that day, and was trying to write a brief note to a friend canceling an appointment that day. I found that I couldn't remember how to write the character 嚔, as in da penti 打喷嚔 "to sneeze". I asked my three friends how to write the character, and to my surprise, all three of them simply shrugged in sheepish embarrassment. Not one of them could correctly produce the character. Now, Peking University is usually considered the "Harvard of China". Can you imagine three Ph.D. students in English at Harvard forgetting how to write the English word "sneeze"?? Yet this state of affairs is by no means uncommon in China.

ni'o lo cnino datni zo'u ti'e lo du'u 99 ce'i loi ponjo cu kakne lo nu tcidu jo'u ciska kei kei noi so'i roi se xusra cu ju'o cu'i jitfa

Update: Apparently the oft-cited figure of 99% for Japanese literacy may be inaccurate.

If you were sixty-furnace

2006-09-10T13:28:00.000-04:00

ni'o lo nu lo nu la'o gy Dann Baker gy goi dy by cu jmive cu nanca li 50 cu se salci ca lo prulamcte i so'i prenu cu zvati te zu'e lo nu salci dy by noi banli je citno nanmu i dy by traji ju'o cu'i lo'i zgike prenu poi jikca mi ku lo ka stati i dy by mutce stati lo nu zgike terpemci e lo nu zgike finti e lo nu jgita tigni i dy by ca lo nu zgike se bende la'o gy Spaceheaters gy poi co'u zasti ku'o fi mi cu tigni se pi'o lo snoslijgita i dy by zgike te bende fi la'o gy Love Camp 7 gy i lo zgike pe ri cu se klesi lo zgiknroknrolo po'o i ju'a la'a do pu no roi tirna lo simsa be la'o gy Love Camp 7 gy

ni'o lo fetpa'i be dy by cu pu zbasu le pa bitmu po la dan gi'e cpedu lo nu lasna lo dacti co mojgau be fi dy by ke'a kei loi salci i mi ne'i lo zdani be vo'a cu snada sisku pa seltigni selsa'a liste pe la'o gy Spaceheaters gy gi'e ji'a facki pa cizra mifra poi mi ba zu do'a nai cu jimpe fi ke'a

My friend Dann Baker's 50th birthday celebration was held last night. Tons of people came out to fête the great young man. Dann is perhaps the finest musician in my acquaintance -- a great lyricist, a great songwriter, and a crazy delicious guitarist. He played bass guitar in my now defunct band, the Spaceheaters. His principal project is a band called Love Camp 7. Except for the rock instrumentation they are uncategorizable; you've never heard anything like them.

His girlfriend set up a "wall of Dann", for which invitees were asked to contribute Dann-related memorabilia. I rummaged the house to find a Spaceheaters set list, and also uncovered a mysterious document that took me some time to decipher:

You have the necessity of the temporary one, of which that she projected nevertheless in me, if you were sixty-furnace

i lo bi'u nai selci'a cu mifra fi la'o gy Lost in Translation gy i ri samru'e pa jufra be fi lo glibau pa drata jufra be fi lo glibau lo nu pilno la'o gy Babelfish gy lo nu fanva vo'e lo fasybau mu'a fu da xi 1 gi'e fanva ri lo glibau fu da xi 2 gi'e fanva ri lo dotybau mu'a fu da xi 3 gi'e fanva ri lo glibau fu da xi 4 gi'e panra jai rapli i lo'e jalge cu klesi lo tcecizra pemci

It's the result of Lost in Translation, an engine that takes English text and outputs English text -- after using Babelfish to translate the original into French, back to English, into German, back into English, &c. The results are a kind of surrealistic poetry.

cu'e canci : Extinction or survival?

2006-09-07T22:20:00.000-04:00

ni'o ca'o canci

i la kerseis antias poi jatna jdaca'i lo fagri malsi be fi lo jarbu be la cikagos cu cusku pa'a lu o'a mi'a pu je nai ca za'u 40 ki'o ki'o mei je me'i 50 ki'o ki'o mei li'o sa'a i ma ca tcini mi'a i a'o nai sai ro'i ba'u mi'a ba'o mulno se vimcu i oi sai ba'a lo se lijdrzaratuctra ba zu lo nanca be li 100 ku so'u mei li'u

ni'o nu'o canci

i la poi nolraiti'u kikos noi speni lo ci'ormau bersa be lo nolraitru be lo pongu'e de'i li 09 pi'e 05 ca lo cerni cu seljbe pa nanla i ja'e bo lo ba ru'i porsi be fi lo balvi nolraitru be lo pongu'e cu snura

ni'o u'u ta judrysni fi la'o gy Times gy poi karni ra'i la niu,IOrk zi'e noi minde lo nu da pliveigau

Going extinct:

Kersey Antia, senior priest at the fire temple here in suburban Chicago, said, “We were once at least 40, 50 million …. Where are we now? Completely wiped out. It pains me to say, in 100 years we won’t have many Zoroastrians.”

Hanging in there:

Princess Kiko, the wife of the emperor’s younger son, gave birth to a boy on Wednesday morning, securing the succession of Japan’s imperial throne for another generation.

The links go to the New York Times, which requires registration. Sorry.

pinfu gerna : Captive's grammar

2006-09-07T18:08:00.000-04:00

ni'o ro ba'u da cu ca ba'o ve lisri la natacas kampuc goi ko'a fo lo cniri'a i ko'a noi nixli ra'i la osteraix cu pu se prezerle'a gi'e pinfu se ralte ze'u lo nanca be li 8 i je ba bo ko'a vo'a de'i li 08 pi'e 23 cu zifygau i lo nu ko'a jo'u pa karnysku cu casnu cu se tivni la'o dy ORF dy ne la osteraix i pa le selkai be lo go'i be'o poi ve gubjungau fo la'o gy Times gy poi karni ra'i la niu,IOrk to'i lo nu pliveigau cu sarcu toi cu bai se jundi mi se cu'u lo glico panra be

lu la kampuc cusku lo se du'u vo'a ro roi krici lo du'u vo'a ba lifri ze'o lo manku za'e nitloiku'a i ko'a ta'e tinju'i lo nuzba te zu'e lo nu ctuca vo'a i lo li'i ko'a seljikcau jmive cu mutce betri ckaji lo ka ko'a ta'e tavla se pi'o la'e zoi dy Präteritum dy to'i ri klesi lo fauvla te pi'o lo nu tavla fi lo purci fasnu toi noi lo'e ciska cu zmadu lo'e tavla lo ni ce'u bau lo dotco cu pilno ke'a li'u

i mi na'e certu lo do'orbau i je ku'i ta poi te sitna cu cizra mi i 1 mai mi tcidu pi so'i lo selci'a vreji be lo bi'u nai nuncasnu i je ko'a ga'a mi cu na tolfadni cafne pilno la'e zoi dy Präteritum dy i 2 mai lo'e natmrxosteraixa ve cu'u la uikipedias pe bau lo dotco cu na'o pilno la'e zoi dy Präteritum dy lo nu te lisri lo purci fasnu i 3 mai ko'a ca lo nu se zerle'a cu jai nanca li 10 gi'e la'a sai certu lo nu pilno lo gerna pe lo re ciste be lo nu tavla fi lo purci fasnu

ni'o xu da djica lo nu pinka la'e di'u

By now everyone has heard the thrilling tale of Natascha Kampusch, the Austrian girl who was kidnapped and held in captivity for eight years before her escape on 23 August. She was interviewed yesterday on Austrian television broadcaster ORF, and one aspect of the broadcast, as reported in the New York Times (reg. req.), caught my attention.

Ms. Kampusch said she always believed she had a future outside the grim cellar. She listened to the news to educate herself. Among the most poignant signs of her solitary life was her use of the imperfect tense, which appears more in written than in spoken German.

I'm no German expert, but this strikes me as odd. First of all, in the transcript of the interview it doesn't look like she's using the imperfect (or preterite) unusually often. Second, according to the German Wikipedia, Austrians do tend to use the preterite colloquially for narration of past events. And third, by the age of ten, when she was abducted, she most likely had already mastered the usage of the two past tense forms.

Anybody want to weigh in on this?

Hohhot dog

2006-09-03T20:37:00.000-04:00

ni'o pa ninmu ne'i la xox xot noi trutca la poi jbimau mongol noi gugypau la jugygug cu jalgau lo karce po vo'a ca'o lo zu'o ctuca lo gerku po vo'a lo nu sazri lo karce i la'e di'u de'i li 08 pi'e 30 cu te jungau fi la cinxuas noi jecta ke nuzba ca'igri i ji'a jungau fi ge lo du'u no da cu se xrani gi ku'i lo du'u lo srana karce cu ja'e milxe spofu

i lo bi'u nai ninmu noi se cmene la'o jy li 李 jy cu cusku lo du'u lo bi'u nai gerku cu nelci lo nu salpo sanli fi lo jitro xislu gi'e so'i roi zgana lo zu'o vo'a sazri lo karce i la cinxuas cu cusku lo jungo panra be lu ly mu'i jdice lo nu curmi lo nu gy ze'i troci ca'o lo nu vo'a jitro lo nilsutra e lo jabre i na'e ve'u klama pu'o lo nu janli pa karce poi fa'a vo'a klama li'u i ly pleji fo lo nu cikre

A woman in Hohhot, the capital of northern China's Inner Mongolia region, crashed her car while giving her dog a driving lesson, the official Xinhua news agency said yesterday. No injuries were reported although the vehicles involved were slightly damaged.

The woman, identified only by her surname, Li, said her dog "was fond of crouching on the steering wheel and often watched her drive". "She thought she would let the dog 'have a try' while she operated the accelerator and brake," Xinhua said. "They did not make it far before crashing into an oncoming car." Ms Li paid for the repairs.

sigdamva'u tolselcru : Défense de fumer

2006-08-25T20:04:00.000-04:00

ni'o mi jo'u la poi pendo mi stiv de'i li 1998 cu vitke la fasygug gi'e mulno ui zifre lo zu'o sigdamva'u i la stiv ca lo nu mi'a de'i li 2000 cu za'u re'u vitke fy cu co'a sigdamva'u ne'i lo dakli di'a zei ponse stizu be bu'u lo vinji tcana i je bo pa pulji cu xusra lo du'u na zanru lo zu'o sy sigdamva'u i ue ia nai sai lo fraso prenu cu sisti lo zu'o mi'a sigdamva'u i nau ku mi ca ba'o tcidu la'e di'e pe fi'o karni la'o fy RTL fy
i la'e di'e te gubjungau fi la zavier bertran poi catni lo kamka'o ciste de'i li 21 ca lo cerni fi'o tivni la'o fy RTL fy gi'e te birtygau se xusra de'i li 23 i lo zu'o sigdamva'u bu'u lo gubni stuzi cu ba zi mulno se tolcru i zy by cusku lo du'u birti lo du'u lo flalu be la'e di'u de'i li 2007:01:01 cu co'a te vlipa i lo du'u na zvati lo tanko barja a loi dansu barja a loi za'e cu'orkei barja cu ve flalu fo lo bi'u nai du'u se tolcru

Back in 1998 my friend Steve & I went to France. We could smoke anywhere! When we went again in 2000, Steve lit up in the airport baggage claim, & was reprimanded by a cop. We couldn't believe a Frenchman was stopping us from smoking. Now I read this at the website of RTL.

Le ministre de la Santé l'avait annoncé lundi matin sur RTL, et cela se confirme mercredi : l'interdiction totale dans les lieux publics est pour bientôt. Xavier Bertrand se dit confiant, la mesure sera appliquée par décret dès le 1er janvier 2007. Partout sauf dans les bars-tabac, les discothèques et les casinos.

suzrelspe jisra : Polygamy juice

2006-08-21T15:44:00.000-04:00

ni'o sitna lo selkarni be la'o gy Times gy po la niu,IOrk bei de'i lo cabdei i lo bi'u nai selkarni cu cinri i je pe'i sa'e di'e poi jufygunma cu tceba'i

ni'o la puspos uardo,ios poi misno canja cu xusra lo du'u lo zu'o speni su'o re da kei cu se bilga lo ricfu je muslo nanmu poi vo'a darlu lo du'u ke'a ponse rau jdini poi kakne lo nu fairgau ke'a su'o re speni i py u bu cu se speni vo ninmu mu'i lo du'u la kuran curmi lo nu lo nanmu cu speni su'e vo ninmu i je bo vecnu lo suzrelspe jisra poi mixre vo grute ku'o ne'i lo jipci gusta po'e py u bu i vo bi'u nai jisra cu'u py u bu cu krati lo prane be lo ni ce'u speni

From an article in today's New York Times. Interesting article, but this paragraph is priceless.

A well-known entrepreneur, Puspo Wardoyo, called polygamy an obligation of wealthy Muslim men, who, he argues, have enough money to spread around multiple women. He has four wives — the limit imposed by the Koran — and serves “polygamy juice,” a mixture of four tropical fruits at his chain of chicken restaurants. The four juices, he said, represent the ideal number of wives.

zvati lo bloti ze'u lo masti be li 9 : Nine months in a boat

2006-08-20T23:50:00.000-04:00

ni'o 3 mexno fipkalte goi ko'a cu jmive renvi ta'i lo zu'o citka lo nalseljukpa ke finpe jo'u xamsi bo cipni ku gi'e pinxe lo carvi djacu ku gi'e rivbi le pa'arcau selcni ta'i lo zu'o tcidu fi la biblion. i ko'a noi ke'a cu'u vo'a pu zu lo masti be li 9 cu cliva lo marbi ku'o cu te facki co snura je kanro be la'u li pi so'a vi lo ragve korbi be la pasIfik

ni'o lo spano panra be lu mi'a so'i roi pensi lo nunmrobi'o gi'e ku'i no roi co'u pacna li'u la salbadOr ordonies se cusku zo'e pe lo mexno tivni ca'o lo nu fonta'a bu'u lo bloti be fi'o sazri lo gugdrtai,uana fipkalte poi ke'a ca lo prulamjeftu cu rivgau ko'a lo ckape

ni'o ko'a no'u sy o bu jo'u la xesUs bidanias jo'u la lusios rendOn cusku lo se du'u vo'a de'i li 10 pi'e 28 pu cliva la san bluas poi nunfipkalte je ke surla selvi'e tcadu ne'i la na,iarIt poi gugypau gi'e lamji la pasIfik i ko'a poi pu za lo nanca be li 20 bi'i 29 cu jbena cu platu lo nu kavbu lo finprmako bu'u lo condi xamsi kei gi'e pu bevri lo cidja e lo djacu vu'o poi ba renvi fi lo djedi be li so'u ku'o xe ka'a lo bloti po'e ko'a zi'e poi clani la'u lo mitre be li 8

ni'o ro da va'o lo bloti nunlitru cu fadni pu'o lo nu nabmi se ra'a lo fipkalte cabra i ba zi bo ko'a xaksu pi ro livla i pa'a lu lo brife co'a muvgau mi'a li'u sy o bu cusku fi'o te morji lo nu lo pifydi'u be bu'u la poi daplu marias cu masno da'orze'a i pa'a lu mi'a ru'i viska lo nu lo daplu cu da'orze'a i lo nu viska dy gi'e claxu rau livla poi se nitcu te zu'e lo nu klama dy kei kei cu se terpa mi'a li'u sy o bu cusku

i ba zi bo ko'a xaksu ro se sabji i lo nu ko'a lacri lo nu ko'a kakne lo nu kavbu lo finpe e lo xamsi cipni cu se bapli i pa'a lu mi'a so'o roi cortu lo betfu li'u xy by cusku fi'o te tavla lo dikni je djacau djedi be li 3 ku e pa jeftu be li 2 ku poi ko'a ca'o ke'a cu kavbu no da

ni'o ko'a zabna se funca lo nu carvi gi'e snada lo nu ca so'e djedi ku cpacu lo djacu poi pinxe ke'a i ko'a ge se ckape lo nu masno mrobi'o ri'a lo nu claxu lo djacu a lo cidja gi terpa lo nu mulno jinru lo xamsi

ni'o pa'a lu mi'a re roi krici lo du'u ba jinru i mi'a re roi krici lo du'u ba mrobi'o li'u xy by cusku ca lo nu morji lo du'u lo boxna cu darxi lo bi'u nai bloti ca lo nu fenki vimcu lo djacu se pi'o lo baktu i je ku'i ko'a rivbi lo nu cinmo lo ka pa'arcau kei kei ta'i lo nu tcidu la biblion poi sy o bu pu bevri ke'a i pa'a lu ro mi'a ro roi tcidu la biblion gi'e ro roi pikci le cevni li'u sy o bu cusku

ni'o nau senpi lo du'u ko'a ze'a lo masti be li xo kau cu kaskla i lo mexno karni cu su'o roi purci sitna lo lazmi'u be ko'a lo du'u ko'a pu zu lo masti be li 3 cu cliva i je ku'i lo du'u ko'a pu zu lo masti be li 9 pu cliva cu lecmau te gubjungau fi lo karni e ko'a ji'a

ni'o pa'a lu mi'a ca lo nu viska lo bi'u bloti cu gleki gi'e desygau lo birka i je ku'i mi'a ca lo nu zgana lo nu lo bi'u nai bloti cu na viska vo'a gi'e ru'i klama cu binxo lo badri li'u xy by morji cusku i pa'a lu mi'a so'o roi klaku gi'e ku'i ba zi bo tolmo'i gi'e co'a simta'a te zu'e lo nu xaksu lo temci li'u go'i

ni'o lo rivgau be fi lo ckape cu klama ko'a ca'o lo nu vo'e sipna i lo gugdrtai,uana kalte be lo finprtuna be'o bende cu ganse lo ka lo bloti po'e ko'a cu zvati kei la'e zoi zoi radar zoi gi'e klama fa'a by te zu'e lo nu facki i ko'a cusku lo se du'u na co'a djuno lo du'u ma kau fasnu pu'o lo nu tirna lo matra be lo bi'u nai gugdrtai,uana bloti goi ty by

ni'o ko'a lacpu se bevri fi lo cpana be ty by vi lai poi daplu marcal de'i li 08 pi'e 09 i ko'a cu'u cinla gi'e se jelca lo solri i je bo lo bende pa re'u zukte lo nu dunda lo cidja

ni'o lo nu ty by ba klama la madjuros poi trutca lai poi daplu marcal de'i li ji'i 08 pi'e 31 i lo mexno trugunma cu nupre lo nu pleji fo lo nu ko'a klama lo zdani fu lo vinji

ni'o so'e lo pendo be ko'a ku jo'u lo lanzu be ko'a pu co'a krici lo du'u ko'a morsi i ly ry cusku fi lo tamne be vo'a fe lo se du'u camdji lo nu zvati lo zdani kei ku ju'e lo panra be lu pe'u do ko jungau ro da lo du'u mi ca'o klama te zu'e lo nu mi'a kakne lo nu fipkalte i lo su'u mi fipkalte cu na ka'e se vimcu pe'a fi lo sevzi be mi li'u

They survived by eating raw fish and seagulls, drinking rainwater and keeping desperation at bay by reading the Bible. Three Mexican fishermen, who say they left port nine months ago, have been picked up safe, and almost sound, on the other side of the Pacific Ocean.

"We thought about death a lot but we never lost hope," Salvador Ordóñez told Mexican television in a telephone interview from the Taiwanese-manned tuna fishing boat that rescued the three men last week.

Mr Ordóñez, Jesús Vidaña and Lucio Rendón said they set off on October 28 from the sleepy fishing and tourist town of San Blas in the Pacific coastal state of Nayarit. The three men, all in their 20s, were intending to catch some shark in deep water and had taken a few days of food and water on board their 27-foot boat.

Everything was going normally until they had problems with their fishing equipment. Then they ran out of fuel. "The wind started taking us," Mr Ordóñez said, remembering the Marias Islands penal colony slowly disappearing on the horizon. "Day after day we saw the islands getting further away and that was a terrible moment. To see them there and not have the fuel to get to them."

Their supplies soon ran out and they were forced to rely on their ability to catch fish and sea birds. "Sometimes our stomachs would hurt," Mr Vidaña said, referring to regular three-day stints without food, and one occasion when they caught nothing for two weeks.

They had more luck with the rain and managed to collect water to drink on most days. As well as facing up to the threat of slowly dying of thirst or starvation, the men had to contend with the terror of being swallowed up by the deep.

"Two times we thought we were going to sink. Two times we thought we were going to die," Mr Vidaña said, remembering the waves crashing into their boat as they frantically bailed out water. But the men said they kept desperation from taking hold by reading the Bible Mr Ordóñez had brought. "We read the Bible all the time, and all the time we prayed, all of us together," he said.

There is some doubt about exactly how long the fishermen were lost. Initial reports in the Mexican media quoted relatives saying they went missing three months ago, but later accounts, as well as the tale told by the fishermen themselves, suggest a much longer ordeal of about nine months.

"We would be happy when we saw a ship and we would wave our arms but when we saw they hadn't seen us and went on their way we would get sad," Mr Vidaña recalled. "Sometimes we would cry, but then we would forget it and start chatting again to pass the time."

Salvation eventually came when they were asleep. The Taiwanese-manned tuna ship spotted their vessel on its radar and went to investigate. The men said they didn't realise what was happening until they heard the motor bearing down, and even then they didn't quite believe it.

The men were pulled on board near the Marshall Islands on August 9. He said they were thin and sunburned and that the first thing the crew did was give them something to eat.

The ship is due to dock in the Marshal Islands capital, Majuro, in about two weeks. The Mexican government has promised to fly the men home to their relatives and friends, who had mostly given them up for dead.

Speaking to his uncle on a link provided by one of the television networks, Mr Rendón said he was impatient to get home. "Tell everybody that I'm on my way", he told his uncle. "On my way home ... so we can go out fishing. You can't take the fisherman out of me."

fi'i tcidu be fi la'o gy Language Hat gy : Welcome Language Hat readers

2006-08-15T18:17:00.000-04:00

ni'o ga nai mi birti da'i lo du'u do ba vitke pe'a gi mi ca'u punji pe'a da'i lo pukmau ke rinsa matci pe'a i a'o do zanfri lo li'i ca'o vitke pe'a ti noi relbau prekarni i la lojban cu runbau gi'e se jicmu lo selbri logji le'a le pa moi i e'u do vitke pe'a la'e zoi gy lojban.org gy te zu'e lo nu zenba se jungau kei gi'a mrilu fi mi gi'a tcidu so'o selkarni gi'a zukte zo'e i mi ckire do lo nu vitke pe'a

If I had known you were coming I would have laid out a nicer welcome mat. Enjoy your stay at this bilingual blog. Lojban is a constructed language based in First Order Predicate Logic. Visit lojban.org for more information, or email me, or read some posts, or whatever. Thank you for coming.

e'o ko tolju'i lo klesi : Please ignore the categories

2006-08-07T02:40:00.000-04:00

Loyal readers (you know who you are) will note that I have been tinkering with the site for the last few days. Specifically, I've done a good deal of research on implementation of categories within Blogger, as Blogger does not itself support them. I decided upon a method, worked up by my new hero phydeaux3. But I've run into some problems. Should be sorted out by tomorrow. In the meantime, just enjoy the blog as it was, peruse your old favorites (like the post about the guys trapped by polar bears! [Update: now re-Englished])~~, & pretend that unwieldy category list in the sidebar is not actually there.~~ Update: Categories, in English and Lojban, are sorted into a drop-down menu in the sidebar.

There will soon be other changes too. I'm going to change the design template to something that will better suit a sans-serif font; I'm switching over to sans-serif so I can maintain readability at a smaller size, the better to accommodate the blog's bilingual nature. Also I'm going to include the profile. Down the road I will need to bilingualize some more of the Blogger template. And I'm going to add some more links. Yes, la laxma'i spaji spaji is up all night, working for you. Cheers! Update: Well, er, Blogger has finally implemented categories. When it gets out of beta, I'll be implementing them here. In the meantime, I'll hold off on the other stuff.

pruni nanba : Elastic loaves

2006-08-02T04:01:00.000-04:00

ni'o la maxmud axmadinedjad noi ralja'a la irAn cu minde lo trugunma jo'u kulnu girzu lo nu bastygau lo selga'i valsi be fi lo banrfarsi lo valsi be fi lo fange be'o poi lo selbau cu pilno ke'a i se mu'i bo mu'a lo cidjrpitsa cu selcme pa'a lu pruni nanba li'u i la'e di'u de'i li 07 pi'e 29 cu se karni fi lo jecta

ni'o ro jecta girzu jo'u selkarni ve cu'u lo bi'u nai termi'e selci'a cu se minde fi lo nu pilno lo valsi poi lo du'u ke'a matmau cu se kairpaijdi lo catni ke bangu badgau no'u la'o fy farxangistane zaban o adabe farsi فرهنگستان زبان و ادب فارسی fy a va'i la natmrfarsi ke bangu je selci'a cregri i la'e di'u cu te jungau fi la'o gy IRNA gy no'u la muslo jecta nuzba ca'igri

ni'o lo bi'u nai cregri cu ba'o jmina za'u 2 ki'o valsi te zu'e lo nu vo'e basti lo valsi be fi lo fange poi ropno ra'u be'o poi ba'o binxo lo fadni be lo ka lo selbau cu pilno ce'u i lo ka ce'u selpli valsi fi lo xrabo cu zmadu lo ka se kufra lo trugunma i ki'u bo xy jai bau se ciska fai la kuran

ni'o sei sa'a se karni le'a lo si'o banske

Iranian President Mahmoud Ahmadinejad has ordered government and cultural bodies to use modified Persian words to replace foreign words that have crept into the language, such as "pizzas," which will now be known as "elastic loaves," state media reported Saturday.

The decree, issued last week, orders all governmental agencies, newspapers and publications to use words deemed more appropriate by the official language watchdog, the Farhangestan-e Zaban va Adab-e-Farsi, or Persian Academy, the official news agency IRNA reported.

The academy has introduced more than 2,000 words as alternatives for some of the foreign words, mostly from Western languages, that have become common in Iran.

The government is less sensitive about Arabic words, because it is the language of the Koran.

See also:
Language Hat: Purging Persian
Language Log: Elastic Loaves for Lunch
Jardinière: Elastic Loaves!
فرهنگستان زبان و ادب فارسی

jivna traji lo ka sutra kei fo lo'i kabri derxi zbasu : Sport stacking champion

2006-07-22T20:47:00.000-04:00

ni'o lo nu mi na kakne lo nu terpinka vo'e cu selri'a lo du'u lo terjvi poi zu'o sutra zbasu lo kabri derxi cu zasti

i ki'e la'o gy Andrew Landry gy

I am rendered speechless by the phenomenon of competitive cup stacking.

Tip o' the hat to Andrew Landry

morsi fa la'o gy Syd Barrett gy

2006-07-12T14:10:00.000-04:00

ni'o la'o gy Syd Barrett gy goi ko'a de'i li 2006 pi'e 07 pi'e 07 bu'u la keimbridj cu mrobi'o ui nai i ko'a jbena fi li 1946 i ko'a de'i li 1965 bi'o 1968 cu te bende fi la pink floid poi zgiknroko bende

ni'o ko'a cu pa moi lo'i zgitigni co selneirai be fi mi i mi ca lo prulamdei e lo cabdei cu ca'o catlu so'o skina co zgike be fi'e ko'a be'o e so'o fatci skina be ko'a

ni'o mi ca lo nu mi se jungau fi lo du'u ko'a mrobi'o cu cinmo lo ka mi bilga lo nu ciska se pa'u lo karni da pe se ra'a ko'a i mi na ba ciska za'u da pe se ra'a ko'a

ni'o sei sa'a se karni le'a lo si'o zgike

Syd Barrett, I am sad to note, died in Cambridge on 7th July 2006 at the age of 60. He was the leader of rock band Pink Floyd from 1965 to 1968.

Syd was the first of my musical heroes. I spent yesterday and today watching his music videos & documentaries about him.

I felt compelled to blog about him when I heard he'd died. And that's all I have to say about him.

lo nuzba zo'u lo tolci'oce'uskepre cu kakpa tolmipri lo tolcitrai ke banrxeuskera selci'a

2006-06-28T23:23:00.001-04:00

ni'o lo tolci'oce'uskepre cu ba'o kakpa tolmipri lo selci'a be bau lo banrxeuskera bei de'i lo 3 moi ctona'a i je loi banrxeuskera banskepre cu cusku lo se du'u lo se go'i cu tcevajni

ni'o lo du'u lo banrxeuskera cu so'o moi lo'i ropno bangu lo ni ce'u tolci'o i pu ku lo selci'a be lo jdaca'i bei bau ge lo banrkastilia spano gi lo banrxeuskera bei de'i li 1040 cu tolcitrai lo'i mupli be lo banrxeuskera

ni'o lo pu zi seltolmipri selci'a cu terfacki bu'u lo latmo stuzi be vi la gasteiz no'u va'i la vitorias noi natmrxeuskera tcadu i lo valsi be lo selska be'o ku jo'u lo fauvla ku e lo valsi sinxa be la cevn e lo xi'ojda e lo censa lanzu be'o e lo drata cu sraku se ciska fi lo kitybli e lo bongu e lo blaci spisa i la eliseos xil poi jatna be loi saske kakpa cu cusku lo se du'u lo satci detri be lo nu lo bi'u nai spisa cu se zbasu cu ba na terfacki pu lo nu li 2006 pi'e 10 a li 2006 pi'e 11 cu detri i to'e ki'u bo lo cmima be la euskaldzaindia no'u lo banrxeuskera tadnykamni cu cusku lo se du'u lo terfacki cu tolfadni.

ni'o lo valsi po'u zoi xy urdin xy to zo blanu toi e
zoi xy zuri xy to zo blabi toi e
zoi xy gorri xy to zo xunre toi e
zoi xy edan xy to zo pinxe toi e
zoi xy ian xy to zo citka toi e
zoi xy lo xy to zo sipna toi e
zoi xy Iesus Ioshse ata ta Miriam ama xy to lu la iecu,yx e la poi patfu iosef e la poi mamta mariam li'u toi e
zoi xy Geure ata zutan xy to lu a'o re'e le patfu cu zvati do li'u toi e lo drata cu'u lo kakpa bende cu selci'a fi loi bi'u nai terfacki dacti

i ji'a facki lo pixra be lo ro moi vacysai e lo drata vu'o poi fasnu ri'i la iecu,yx

Archaeologists have unearthed inscriptions in the Basque language that could date from as early as the third century, a find Basque linguists hailed as extraordinarily important.

Basque, or euskera to its speakers, is considered to be one of the oldest languages in Europe [...] Until now, a text written by a monk in both Castillian Spanish and Basque had been the oldest written example of the language, dating from the year 1040.

The new inscriptions were found at a Roman site near the Basque town of Vitoria in northern Spain, and included the names of colours, verbs and references to God, Christianity and the Holy Family etched into bricks, bones and pieces of glass.

The head of the excavation, Eliseo Gil, said the pieces would not be dated exactly until October or November, but members of the Academy of the Basque Language, Euskaltzaindia, said the find was extraordinary

Among the words inscribed were the colours "urdin" (blue), "zuri" (white) and "gorri" (red), verbs "edan" (drink) "ian" (eat) and "lo" (sleep), the excavation team said.

Another piece read "Iesus, Ioshse ata ta Miriam ama" (Jesus, the father Joseph and the mother Mary) while another had the greeting "Geure ata zutan" (May the Father be with you).

Archaeologists also found pictures depicting the life of Jesus, including what could be a Last Supper.

Singin' in the train

2006-06-24T18:46:00.000-04:00

ni'o mi ca lo prulamcte cu pu ca'o ki klama fi lo zdani be mi fe lo zdani be lo pendo be mi te zu'e lo nu kurji vo'e ca lo nu py va ze'a lo djedi be li 2 cu vitke lo lanzu i ca lo nu mi denpa lo nu lo trene cu tolcliva kei kei lo girzu be se la'u li ji'i 25 cu barkla lo ragve trene ku gi'e ba zi bo jmaji gi'e ba zi bo sanga pa xriso vau ue ua nai i cizra i oi mi na ca bevri lo kacma po'e mi

ni'o sei sa'a se karni le'a lo si'o me la niu,IOrk

Last night I was headed from my place to a friend's place to house-sit while she visited her family for a couple of days. While waiting for the train to arrive, a group of about 25 people got off the train opposite, gathered together, and sang a single Christian song. Unexpected. Weird. Wish I'd had my damned camera.

ui ri'e e'e sai dai xekri tarci

2006-06-22T18:23:00.000-04:00

ni'o ui lo munje boltipyjvi terjvi be de'i li 2006 bei tu'i la daitclond ca ca'o fasnu i mi sarji lo po la ganan bende no'u va'i lai xekri tarci to la'o gy Black Stars gy toi i mi ca lo cabycerni cu ba'o zgana lo se tivni terjvi be lo bende po la ganan bei lo merko bende i lai xekri tarci cu jinga ta'i lo nu vo'a 2 roi snada gi'e curmi lo nu my by cu 1 roi snada i je bo ku'i na go'i ta'i lo nu vrude i ki'u bo lo 2 nunsnada be xy ty cu zi selyli'e lo nu lo pajni cu srera kei poi sidju xy ty i to'e mu'i nai bo lo za'i mi sarji xy ty cu ba renvi i ki'u bo lo nu mi ca co'u sarji da'i xy ty cu na'e vrude i xy ty cu ba jivna lo brazo bende de'i li 2006 pi'e 6 pi'e 27 ti'u li 17 bu'u la dortmund

ni'o lo cnino datni zo'u lo brazo bende to 3 roi snada toi cu jinga fi la po la ganan bende to 1 roi snada

ni'o sei sa'a se karni le'a lo si'o terjvi

World Cup 2006 Germany is on right now. I'm supporting the Ghana Black Stars. This morning I watched Ghana vs USA on television. The Black Stars won 2:1, but their victory was not quite clean, because both their goals were preceded directly by the referee's errors which helped them out. Still, I'm going to keep backing them, because to stop now would not be right. The Black Stars play Brazil on 27 June 2006 at 5 p.m. at Dortmund.

Update: Brazil defeated Ghana 3:1

cnino ke bangu cilre ciste

2006-05-30T21:40:00.000-04:00

ni'o pa pendo be mi bei me'e la'o gy Kate Crane gy a va'i la keit krein ca lo cabdei cu jungau mi fo la'o gy Earworms gy goi ko'a zi'e noi xelcli be fi lo bangu i lo du'u lo bangu cu ve ctuca se pi'o lo zgike cu steci ko'a cu'u ky ky i ja'e bo mi toldra krici lo du'u da poi bangu cu te cilre fu ko'a ta'i lo nu sanga lo jufra be bau da i je ku'i da'i nai lo nu nalsanga cusku loi jufra kei be fi'o kansa lo zgike se rilti cu tadji i lo nu lo snada tadni cu vitke lo fange gugde gi'e dansu ca lo nu tavla kei cu xanri mi vau a'u

ni'o sei sa'a se karni le'a lo si'o banske

Kate Crane, a friend of mine, told me today about Earworms, a language learning method. She said it is characterized by using music as a teaching method. So I believed (incorrectly) that you learned a language by singing the sentences. But in fact, speaking the sentences along to rhythmic accompaniment is the method. I imagine the successful student visiting a foreign country & dancing while talking.

jvirbuzgaci ce ke sevzi datni se zerle'a

2006-05-10T19:16:00.000-04:00

ni'o mi ba zi co'a fanva lo ci'arvelski be lo bi'u terjvi be'o pe la uikipedias i zoi fy بزکشی fy to zoi zoi buzkɒʃi zoi toi cu cmene ty i je zo jvirbuzgaci ba jbocme i lo jvirbuzgaci goi ko'a cu tceci'i i la'e di'u ba te jungau do i mi ca ba'o jmina fi la uikipedias fe lo re mei no'u la'e lu iulianus poi jdali'a li'u e la'e lu iosef poi bersa la matitia'uv li'u vu'o noi na xlali pe'i vau zo'o

ni'o oi sai sevzi nuzba fa lo nu so'o sevzi datni po'e mi cu ba'o se zerle'a gi'e ba'o zekri se pilno i ja'e bo ei mi xaksu so'i temci e pi so'i nejni te zu'e lo nu vimcu loi nabmi jalge pe lo zekri

ni'o sei sa'a se karni le'a lo si'o terjvi

I am about to start translating the article on buzkashi (بزکشی) in Wikipedia. Buzkashi is real interesting; I'm gonna tell y'all about it. I have added to Wikipedia two articles -- Julian the Apostate and Josephus -- which are not bad \(^-<)/

srana lo nanla e lo gerku po'e ny vau zo'o

2006-04-19T23:28:00.000-04:00

ni'o mi pu zi tcidu da poi mutce jenca vo'a zi'e poi la UAcintyn post karni ke'a i lo se go'i cu srana la fred malek poi kagja'a gi'e djica lo nu terve'u lai nAcynylz poi jvirbeizbolci to va'i zoi gy baseball gy toi bende ra'i la UAcintyn i lo go'i cu du la'e di'e

ni'o tu'e fy my jbena fi li 1937 i fy my de'i li 1959 cu ca'o kansa 4 pendo bu'u lo panka be bu'u la piorias i pa le bi'u nai pendo lo gerku cu kavbu gi'e catra i ba bo lo go'i cu vimcu lo skapi be gy ku e loi ne'inrango be gy gi'e gregau lo jimca gy te zu'e lo nu bregau gy lo nu se jukpa i loi bi'u nai 5 pendo cu se sisti loi pulji

ni'o fy my de'i li ji'i 1970 cu te cpedu fi la niksn poi ralja'a lo mergu'e ku'o fe lo nu zbasu lo liste be loi bropre poi se jibri lo gunka gumdatni briju i mu'i bo ny terpa lo nu le bropre girzu da'i cu mipri fapro vo'a

ni'o fy my de'i li 2004 cu se sfasa lo merko trugunma lo nu zukte co sidju lo nu zekri zivle lo jdini po'e la kynEtikyt tu'u

ni'o lo ka lo merko jvirbeizbolci trukamni poi la byd silig jatna ke'a cu tolcre cu selja'e lo nu fy my la'a ba se cuxna fi lo'i djica be lo nu ponse lai nAcynylz

ni'o lo cnino datni zo'u lai nAcynylz pu zi ba'o se vecnu fi la ted lrnr joi lo drata de'i li 2006 pi'e 5 pi'e 3

ni'o sei sa'a se karni le'a lo si'o terjvi

I just read something very shoc- king in the Washington Post. It was about Fred Malek, a CEO who wishes to buy the Washington Nationals baseball club. Here it is.

Malek was born in 1937. In 1959 he was in the company of four friends in a park in Peoria. One of the friends caught a dog and killed it. Then he skinned and gutted it and ran a stick through it in order to prepare it for roasting. The five friends were stopped by the police.

In 1970 he was asked by US President Nixon to build a list of Jews employed by the Bureau of Labor Statistics, because he believed that a Jewish conspiracy was secretly plotting against him.

In 2004 he was punished by the US government assisting in the criminal investment of Connecticut state funds.

The stupidity of Major League Baseball, headed by Bud Selig, will probably result in Malek being chosen to own the Nationals.

Update: The Nationals were bought by Ted Lerner's group on 3rd May 2006.

lo nuzba zo'u la etas cu gubjungau fi lo du'u ca mo'u damba

2006-03-23T01:09:00.000-05:00

ni'o mi pu pu'o terkarni da se ra'a lo kelcrbeizbolci i je ku'i ti'e la etas goi ko'a gubjungau fi lo du'u lo nu ko'a jamna cu ba'o fanmo i ue sai ui sai

ni'o ko'a de'i li 1959 te zu'e lo nu lo za'e natmrxeuskara gugypau cu pu binxo lo zifre jecta cu co'a fapro lo spano trugunma poi la fransiskos frankos cu jatna ke'a i ba zi bo ko'a ta'i lo nu ru'i nai catra lo sarji be lo spano jecta cu co'a damba ri i ko'a cu ca ba'o catra za'u 800 prenu i je ku'i fliba lo nu jinga i ko'a mulno selme'e zoi zoi Euskadi Ta Askatasuna zoi poi se fanva fu lu lo natmrxeuskara ke tutra je li'i zifre li'u

ni'o la'a pi so'e lo selci'a be mi ba cmalu i ri'a bo mi so'i roi troci lo nu terkarni bau la lojban kei e nai lo nu fanva fo lo glibau

ni'o sei sa'a se karni le'a lo si'o jecta

I was about to blog about baseball, but I heard that ETA announced the end of its armed struggle (?!).

ETA began their opposition the Spanish government of Francisco Franco in 1959, with the aim of creating an independent Basque state. Soon later they began to fight the government by assassinating its supporters. They have killed more than 800 people, but failed to prevail. Their full name is Euskadi Ta Askatasuna, meaning "Basque Homeland and Freedom".

Most of what I write in the future will probably be short, because I will often try to posts in Lojban rather than translating from English.

lo nuzba zo'u lo ratcu du'e mei cu jai mrori'a gi'e fanza loi xabju be la tokion

2006-03-13T13:31:00.000-05:00

lo te ke cmalu barja be di'o la poi zdile tcadypau kabukitcon ne bu'u la tokion be'o cu ca'o selmansyze'a fi lo ka xalgei gi'e se ke culno djaruntyrango i suksa farlu fa pa ratcu poi centre li 15 ku'o fi lo drudi fe lo jubme poi lo sefta be ke'a cu culno loi kukte ku joi loi se pinxe i lo go'i cu tolxanka lafmuvgau lo stedu be vo'a gi'e camcatlu loi terpa te barja i ba zi bo lo go'i cu plipe lo loldi gi'e bajli'a

ni'o loi terbi'a bevri ratcu cu ca'o selclu loi klaji be la tokion i je bo lo du'u la'e di'u cu mrori'a du'o la cukan asaxin cu xlamau lo bi'u nai rigni fasnu be bu'u lo barja be di'o la kabukitcon i pa ninmu cu terfacki je morsi ne'i lo vo'a jirtansi i lo go'i pu se catra lo dikca be ri'a lo ratcu poi pu ba'o batci pa'o loi skori poi bevri lo dikca lo vo'a jirku'a i loi ratcu cu fuzme pa no simsa fasnu ca ro nanca bu'u la tokion po'o i je lo go'i cu rinka ji'i 40 dikca nabmi poi na selja'e lo fagri

ni'o lo tcetcelenku dunra be bu'u lo pongu'e cu sidju loi ratcu i lo go'i cu bapli lo nu loi ratcu cu klama lo nenri be lo dinju be'o a lo canlu poi jbini lo dinju re mei te zu'e lo nu mligla kufra i ja'e bo lo'i xekri ratcu cu mutce zenba

ni'o sei sa'a se karni le'a lo si'o nuzba e lo si'o saske

la'o gy Beefstock gy

2006-03-12T19:26:00.000-05:00

ni'o la'o gy Beefstock gy goi ko'a cu zgike nunsla bu'u lai katskil poi cmana gunma bu'u la poi gugypau niu,IOrk i lo cmene be ko'a cu se krasi la'o gy Plastic Beef gy poi zgibe'e bu'u la bruklyn ku'o e la'o gy Woodstock gy poi misno ke zgike nunsla de'i li 1969 bu'u lai katskil i ko'a pa re'u fasnu ca lo vensa be li 2002 gi'e fasnu ca ro vensa be ba ra i ko'a zvati la'o gy Full Moon Inn gy poi xotli i li 03 pi'e 24 bi'i 03 pi'e 25 cu detri ko'a poi bavla'i i ro da cu zifre lo nu zvati i je ri nonseldi'a i ja'o lo si'o lo jibni cu zvati ko'a cu xamgu i to ro vi terjo'e cu glico lo ka bangu toi

ni'o sei sa'a se karni le'a lo si'o zgike

Beefstock is a music festival up in the Catskills in New York State. Its name comes from the Brooklyn band Plastic Beef and Woodstock, the renowned 1969 Catskills music festival. The first Beefstock took place in the spring of 2002 and every spring since. The next one takes place at the Full Moon Inn from 24 to 25 March. All are free to attend this free event. It's a good idea for those nearby to go. (All links are in English.)

srana lo xi'ojda e lo flalu

2006-02-09T11:30:00.004-05:00

ni'o mi jo'u lo bavyspe ca lo prulamcte cu seltivni veldraci pa cmima be lo porsi no'u la'o gy Law and Order gy to ri fo mi'a du'e la'a roi seltivni draci toi i lo bi'u nai porcmi ne me'e zoi gy Under God gy draci la'e di'e

i tu'e lo la'orxi'o jdaca'i cu catra lo nanmu poi vecnu lo selmaltcu xukmi bu'u lo termalsi i jy krici lo du'u lo bi'u nai nu catra cu vrude ki'u lo du'u lo se go'i pa roi vecnu lo selmaltcu xukmi poi rinka lo nu pa nanla cu mrobi'o i ku'i ba za bo lo nu jy cuxna lo za'i flafu'e e lo nu pinfu cu se bapli tu'u

i ji'a mi'a pu za lo jeftu be li so'o cu veldraci fo la'o gy In God we Trust gy i ri draci la'e di'e

i tu'e lo ronmerko nanmu pu catra lo bavyspe be lo mensi be vo'a mu'i lo du'u by fi'ormerko i loi tcila be lo bi'u nai zekri cu terfacki ba zu lo nanca be li 9 i ja'e bo lo catra cu se ri'urgau lo pulji i lo go'i ba lo bi'u nai nu catra cu pu binxo lo vrude xriso i je lo go'i cu krici lo du'u vo'a na flafu'e kei ki'u la'e di'u i ku'i lo pairkamni cu jdice lo du'u lo go'i cu je'a flafu'e tu'u

ni'o lo xriso re mei cu krici lo du'u vo'a fuzme fi la cevn e nai lo jecta i ku'i lo'e merko xriso cu fuzme fi la cevn ba'e e lo jecta i la poi censa petrus e la poi censa paulus cu pu pinfu i ba'e la iecu,yx pu pinfu gi'e se pajni gi'e flalu se catra i la iecu,yx pu na troci lo nu rivbi lo za'i pinfu

ni'o mi pu je nai ca xriso i ku'i mi jimpe so'i da lo xi'ojda i mi na selsau le xriso terjda no'u lo si'o lo'e seljda cu bilga lo nu rivbi lo nu pinfu lo jecta se ja'e lo nu sy ba'o zergau

My fiancée & I watched an episode of Law & Order, which we probably watch too much of. The episode "Under God" went as follows.

A Roman Catholic priest killed a man who was selling drugs in his parish. The priest believed that the killing was virtuous because the man once sold drugs that killed a boy. But a little later the priest was forced to choose to plead guilty & to be imprisoned.

A few weeks earlier we had watched the episode "In God we trust", which went as follows.

A white man killed his sister's fiancée because he was Black. The details of the crime were discovered nine years later. As a result the killer was restrained by the police. He became a righteous Christian after the murder, and he felt he was not guilty because of that. But the jury decided that he was in fact guilty.

The two Christians believed they were responsible to God & not the state. But an American Christian is responsible to God and the state. Sts Peter and Paul were imprisoned. Jesus himself was imprisoned, judged, & executed. Jesus did not attempt to avoid his imprisonment.

I used to be Christian but am no longer. But I understand a good deal about Christianity. I am not familiar with the Christian doctrine that the faithful are obliged to avoid imprisonment by the state because they have committed a crime.

mi xebni lo jibri be vo'a

2006-01-28T01:06:00.000-05:00

ni'o ui nai sai oi sai ro'i mi xebni lo jibri be vo'a i sa'e mi ca lo cibdei pu snada gunka fi so'i da i je ku'i lo'i pu'o tergu'a be ca lo donri be lo vondei cu zmadu lo'i pu'o tergu'a be lo donri be lo cibdei i ue lo ni mi gunka ei cu ca'o ro roi zenba i oi ri'e lo nu mi tavla ja ciska cu sidju mi

lo nuzba zo'u so'o xabju be la moskOv cu troci lo nu zekri pe'a zo'o nerkla lo pinfu dinju ca lo nu lo seljauke'o cu jdika jbibi'o li ni'u 40

2006-01-27T12:23:00.000-05:00

ni'o la vitalis cu ba'o troci lo nu fanza xalfekfri kei e lo nu zungau fi lo nunselsma kei e lo nu gunta lo pendo kei e lo drata te zu'e lo nu nerkla lo pulji briju kumfa pe la moskOv i la vitalis poi zdacau gi'e ca ba'o jmive ze'a lo nanca be li 42 ku'o ca pi so'a roi cu zukte ro da lo nu rivbi lo malmi'o pulji po la moskOv i ku'i lo varmebri be lo lenku bei ra'i la sibIr cu se jalge lo nu lo seljauke'o cu jdika jbibi'o li ni'u 40 poi traji lo ka lenku kei ba lo 1955 moi nanca i lo nu se kavbu lo pulji kei ri'a lo za'i tcelenku cu ca sarcu lo nu ca'o zo'e jmive

ni'o vy cusku lu oi cu'i za'i mligla ne'i lo pinfu kumfa i ii ju'o sai ro da poi ke'a ca lo ca zi tcima na facki fi lo mligla stuzi poi da sipna bu'u ke'a ku'o ku'o ba zi mrobi'o li'u

ni'o la moskOv de'i li 1 pi'e 23 cu jaurkelvo li 0 bi'o ni'u 28 i ja'e bo 2 prenu pu dunja mrobi'o i je bo 14 prenu pu se bevri fi lo spita se ri'i lo li'i lenku xadni bilma

ni'o sei sa'a se karni le'a lo si'o nuzba

jbonunsla de'i li 2005

2005-12-13T18:52:00.000-05:00

ni'o ba'o jbonunsla de'i li 12 pi'e 9 lo'o noi mumdei ku'o bi'o li 12 pi'e 11 lo'o noi nondei ku'o ne'i la mAriot zei xotli pe ne'i la filydelfias i ui mi pa re'u zvati

i loi platu be la filkan to zoi gy www.philcon.org/2005/ gy toi pu ba'o sabji lo canlu poi lo jbonunsla cu pilno ke'a i ju'o ru'e se ja'e bo lo bruna be la noras cu catni la filkan i mi'a ca'o zutse ru'u pa jubme pe ne'i lo selkei kumfa

i ta'o zvati fa
la lojbab jo'u la noras jo'u
la camgusmis jo'u
la clsn jo'u
la epkat jo'u
la tenes jo'u
mi

i ta'o nai la'o gy Nanofictionary gy se ci'erkei i ca'o bo mi ciska lo lisri be fi la clsn jo'u mi gi'e ba za jmina ly la lojban uikis sei sa'a ba'o jmina ly i la navias drap jo'u la zendos se ci'erkei i so'o cukta to la'o gy The Complete Lojban Language gy jo'u la'e lu la lojban mo li'u toi cu se vecnu i la clsn cu re roi se ctununta'a fi loi selci'i pe la filkan la lojban i la camgusmis pu terlisri lo nandu nunkla be fi la filydelfias le jbocradi i lo lisri ba za gubni

ni'o ju'o cu'i lo jbonunsla be de'i li 2006 ba cabna la pEnguikan vi la dytcroit

ni'o sei sa'a se karni le'a lo si'o lojban

Logfest took place from Friday 9 December to Sunday 11 December at the Marriott Hotel in Philadelphia. I attended for the first time (Woohoo!).

The planners of Philcon had provided the space for Logfest, partly because Nora's brother is in charge of Philcon. We sat around a table in the gaming room. Those present included Bob and Nora LeChevalier, Robin Lee Powell, Mark Shoulson, Matt Arnold, Stephen Weeks, and me.

We played Nanofictionary. I transcribed the stories written by Mark & me & posted them to the Lojban Wiki. We also played Navia Dratp & Zendo. A few books (The Complete Lojban Language and What is Lojban?) were sold. Mark gave two lectures on Lojban to interested Lojban attendees. Robin told the tale of his difficult journey to Philadelphia for Lojban Radio; the tale will be broadcast in a little while.

It looks like Logfest 2006 will be held at Penguicon Detroit.

lo nuzba zo'u lo du'u lo renvi co xadni be la kopernik cu ba'o te facki cu se gubjungau

2005-11-12T18:49:00.001-05:00

ni'o su'o re gugrpolski tolci'oce'uskepre cu cusku lo se du'u birti lo si'o ba'o facki fi loi bongu be fi la kopernik i ri kesyskepre je jdaca'i ca lo 16 moi ctona'a i ky pu stidi lo si'o lei plini cu jincarna lo solri e nai lo terdi i ja'e bo ky mutce stika lo kesyske

ni'o la iejis gasofskis noi balcu'e ctuca cu cusku fi lo balcu'e se nunjmaji fe lo se du'u krici lo si'o lo xadni renvi poi pu te facki ni'a lo selfityjbu be ne'i la frombork poi balmalsi vi lo xaskoi be la balt bei la polsk cu renvi co xadni la kopernik

ni'o lo nilci'o be lei bongu be'o ku e su'o re loi flira selkai cu mukti lo nu la gasofskis cu cusku lu ia cai mi birti lo si'o le xadni renvi bi'u nai cu renvi co xadni la kopernik kei la'u li 97 ce'i i je ku'i lo jgina cipra po'o ba kakne lo nu mulno birtygau fi lo se krici li'u

ni'o lo skami cu xanri zbasu lo pixra be le stedu ji'u lo sedbo'u i lo nu go'i cu jarco lo stedu be le nanmu poi grusi se kerfa zi'e poi pu ba'o jmive ze'u lo nanca be li 70 i la kopernik pu ca'o jmive ze'u lo nanca be li 70 ca lo mu'e vo'a mrobi'o i lo pixra be fo lo skami cu mapti su'o re lo cabna pixra be ky bei fo lo cinta lo ka ce'u jarco lo skapi velxai barna be ga'u lo zunle kanla be'o ku e lo nazbi poi ba'o porpi

ni'o la kopernik cu rirni no da poi te djuno i je ku'i lo nu loi xadni be loi morsi lazmi'u be ra ba sabji lo jgina mupli cu cumki

ni'o la kopernik pu birti cusku lo se du'u le ro plini cu jincarna lo solri kei ku e lo se du'u lo terdi cu na midju lo munje kei fi'o prosa se cukta lu srana lo nu lo kensa dacti cu jincarna li'u

lo nuzba zo'u ne'i la fasygug lo vo nixli cu fu'esku lo nu vo'a zekri cfagau lo fagri

2005-09-25T17:04:00.000-04:00

ni'o tu'e lo vo nixli goi ko'a cu fu'esku lo nu vo'a zekri cfagau lo fagri ne'i lo clani sorzdadi'u be ne'i la paris .i ja'e bo 13 makcu ku jo'u 3 verba cu morsi tu'u .i loi catni cu cusku la'e di'u .i lo nixli cu fu'esku lo nu vo'a zekri cfagau ne'i lo ve mrilu tanxe be ne'i lo nerklaji be ne'i lo dinju cu'u lo zerfuzyxu'a catni .i lo ve mrilu tanxe cu se ponse lo pu pendo be ko'a .i ri pu ba'o pendo ra .i lo fagri pe de'i lo xavdei cu ci moi ne'i lo trugunma tcadu ca lo temci poi djedi li bi .i loi fagri cu gasnu lo nu preti ge lo du'u xu kau loi fange xabju cu snura gi lo du'u loi fange xabju cu se frigau fi ma kau .i je la jak cirak poi ralja'a cu mi'ecpe lo nu zukte fi lo nu rivbi loi balvi betri .i je ku'i lo fagri be de'i lo zeldei be'o e nai lo re pu zi drata fagri cu na zvati loi zdani be loi fange xabju .i si'a nai lo go'i cu zvati loi zdani be loi pindi lanzu

ni'o sei sa'a se karni le'a lo si'o nuzba

lo nuzba zo'u lai djin cu ca'o di'a to'e ckeji

2005-08-29T13:34:00.000-04:00

ni'o tu'e za'u 50 prenu be ne'i la tan djuan po'e la xenan poi gugypau lo jungo be'o goi ko'a cu ba'o jinga lo za'i flalu curmi lo nu vo'a gafygau fi lo lazme'e no'u zoi jy go'uk jy zoi jy djin jy .i pa nolraitru ca lo pa no moi ctona'a pu bapli gafygau fi lo lazme'e zoi jy go'uk jy .i ri se fanva fu zo cumla .i je ku'i ba'urtadji dunli lo se fanva be fu zo gerku .i ri mabla loi prenu loi jungo .i ko'a darlu lo du'u lo li'i se mabla cu na'e marde fi lo lazme'e be ko'a e loi ri seldze .i ba'o jinga lo prurai lazme'e no'u zoi jy djin jy .i ri se fanva fu zo kamkemselsi'a tu'u .i la cnino jugygu'e ku poi ternuzba kagni cu gubjungau fi la'e di'u .i la go'uk fen cu cusku lo se du'u pu lo nu galfi ku zo'e co'a cmila ca lo nu tirna lo lazme'e .i je cusku lu o'a nai mi pu mutce burna .i o'a nai se'i nai lo lazme'e pu rinka lo za'i lo mi bersa na ka'e cpacu lo pampe'o li'u

ni'o sei sa'a se karni le'a lo si'o nuzba

lo nuzba zo'u lo datni crepu be fi lo tolzi'o cu gau rivbi lo nu lo xasycribe cu gunta

2005-08-22T11:30:00.000-04:00

ni'o ci xa'ircau je gugrpolska ke datni crepu ze'u lo cacra be li pa mu pu ca'o to'e kakne lo nu cliva lo cemda'o daplu po la sualbard poi gugrnorge plugri pe ne'i la arktik .i ba bo rivbi se pi'o lo carna'ivinji ca'o lo nu lo xasycribe cu jbikla lo go'i .i lo bangrnorge panra be lu ii cai se'i nai lo tcini pu xlarai lo'i xarpei kakne li'u cu se cusku la petr bratn po lo briju be lo ralca'i be la sualbard .i ci lo bi'u nai nanmu pe ra'i la orizont poi gugrpolska ke datni crepu bloti cu pu cliva xe ka'a lo cmalu je varclu bloti te zu'e lo nu xruti lo cabra poi cpana pa daplu .i je ku'i lo cmablo cu carna lo pinta .i lo go'a cu limna gi'e cpare lo spisa be lo bisli te zu'e lo nu klama la edjo,ias poi daplu .i su'o ci xasycribe cu toltce sepli loi nanmu lo mitre be li 20 ca lo nu lo carna'ivinji cu jai se pi'o se rivgau fai ra .i lo panra be lu ii cai se'i nai ckape jibni li'u cu se cusku la bratn

ni'o sei sa'a se karni le'a lo si'o nuzba e lo si'o saske

Three unarmed Polish researchers were trapped for fifteen hours on a remote island in the Norwegian archipelago of Svalbard, until they escaped by helicopter just as polar bears were closing in. "It was the most terrible situation imaginable," said Peter Braaten of the Svalbard governor's office. The three men from the Polish research vessel "Horyzont" left in a small inflatable boat to retrieve equipment from one of the islands. But the boat capsized. They swam off and clambered onto chunks of ice to make their way to Edgeøya. At least three polar bears were no more than 20 meters from the men when the helicopter facilitated their escape. "That is dangerously close," said Braaten.

lo nuzba zo'u lo re moi be lo'i gugrpolska jansu cu se gunta ne'i la myskUAs

2005-08-18T12:40:00.000-04:00

ni'o pa gugrpolska jansu cu se darxi vo nanmu va lo gugrpolska jasybriju be ne'i la myskUAs .i la'e di'u cu re moi lo'i nungunta be fi lo jasybriju gunka bei ca lo ca jeftu .i lo re nungunta cu selyli'e lo mutce se gubjungau nungunta be fi lo ma'urbi'o panzi be su'o re rusko jansu bei ne'i la vArcavas bei de'i li 7 pi'e 31 poi ba'e la vladImir vytc putin poi ralja'a cu mabla skicu fo lo ka tolpendo selzu'e

ni'o no lo velxai pu mutce xankygau .i je ku'i loi nungunta cu ba'o selja'e lo nu simxu ke jansu pante ku jo'u lo nu lo za'i pu xankygau nunje'arjikca cu zenba lo ka xankygau .i lo catni po lo re gugde cu simxu fuzyxu'a lo du'u lo za'i tcebirti tolylacri ji'u loi natmi ku jo'u loi jecta cu xlaze'a

ni'o sei sa'a se karni le'a lo si'o nuzba e lo si'o jecta

lo nuzba zo'u lo gugrxana nanmu cu mrobi'o ba lo nu ru'i co'e lo skami selkei ze'u lo cacra be li 50

2005-08-11T17:01:00.000-04:00

ni'o lo gugrxana nanmu goi ko'a ge'u poi ba'o ru'i co'e lo skami selkei ze'u lo cacra be li 50 cu mrobi'o ri'a lo nu lo risna cu pofybi'o kei ba lo nu ba'o kelci kei zi lo mentu be li so'u .i la'e di'u cu selsku lo catni de'i lo reldei

ni'o lo bi'u nai nanmu cu se lazycme lu la is li'u gi'e jmive ze'a lo nanca be li ji'i 28 .i ko'a pu ca'o co'e lo jamna simsa selkei vi lo skami nunpli zarci be ne'i la tegus poi nenri lo nanstuna pagbu be lo gugde ku'o ku cu'u loi pulji .i ko'a pu co'a kelci de'i li 8 pi'e 3 .i ba bo ze'a lo djedi be li ci ku ko'a ru'i nai cliva te zu'e po'o lo nu vikmi gi'e ze'i sipna kei cu'u py .i pa pulji po la tegus poi gugypau cu cusku fo lo fonxa pa'a lu mi'a smadi lo du'u lo nunmrobi'o cu selri'a lo nu lo risna cu pofybi'o ri'a lo za'i ko'a mulno tatpi li'u

ni'o ko'a pu zi sisti lo zu'o gunka kei te zu'e lo za'i zifre lo nu zenbygau lo ni kelci .i la'e di'u te jungau fi la djun an ilbos poi roldei karni ku'o ba lo nu reisku fi ge lo purci kansygu'a gi lo selbriju be lo skami nunpli zarci

ni'o lo ko'a mamta cu cpedu lo nu facki fi ko'a kei lo purci kansygu'a mu'i lo du'u ko'a pu na se'ixru lo zdani .i ca lo nu lo te go'i cu klama lo skami nunpli zarci kei ku ko'a cusku lo se du'u ba mulgau lo selkei gi'e ba klama lo zdani kei cu'u lo karni .i ko'a mrobi'o ba zi lo mentu be li so'u cu'u ky

ni'o sei sa'a se karni le'a lo si'o nuzba

lo nuzba zo'u pa plini be lo ci mei solri cu talsa loi kesyskepre

2005-07-29T14:35:00.000-04:00

ni'o lo kesyskepre ba'o zgana pa plini be pa solri na.e lo ci mei solri be'o poi panra da pe ra'i la'o gy Star Wars gy .i lo se go'i cu talsa lo ve ti'icki be lo pu'u loi plini cu se zbasu zi'o bei fo loi kesyskepre .i lo go'i cu gapci tcebra gi'e bramau la IUpiter gi'e plini lo ralju tarci po'e lo ci mei tarci ciste be me'e la'o tarc HD188753 tarc po'e zoi lat tcignus lat poi targri zi'e poi lo ke'a cmene cu se fanva fu lu lo cipnrtcigni li'u .i tu'e lo ni lo ci mei tarci e lo ri plini cu darno lo terdi cu xextre ji'i li 1 pi 4 .i lo ni lo ci mei tarci cu darno lo ri plini cu jibni lo ni lo terdi cu darno lo xavyplini tu'u .i la'e di'u cu selsku lo merko skepre de'i lo mumdei fi'o karni la'o gy Nature gy

ni'o tu'e lo sanli da'i be lo sefta be lo plini cu viska da'i ci solri vi lo tsani .i to'e ri'a nai bo lo plini cu co'e lo ralju je pelxu tarci .i lo brarai lo'i re drata solri cu narju da'i .i lo cmarai cu xunre da'i tu'u .i la'e di'u cu se ci'asku lo kesyskepre po la balcu'e be la kalifornias bei lo mi'irlarcu

ni'o cumki fa lo nu lo cnino selfa'i cu natfe lo cabna ve ti'icki no'u lo du'u lo plini pi so'e roi jalge lo nu lo gapci joi pulce cu mo'i ru'u muvdu pa po'o tarci .i je bo cumki fa lo nu lo cnino selfa'i cu mukti lo nu lo skepre cu sisku tu'a lo plini vi lo tolselcta ke kensa stuzi .i lu se ni'i ku lo ni zasti plini cu zmadu lo ni selji'i zasti plini li'u cu se ci'asku

ni'o la matceis konatskis poi kesyskepre vi by ky my zi'e poi co'e lo karni selfi'i cu terme'e lo cnino klesi be loi plini be'o lu loi me la tatu,In me'u plini li'u .i mu'i bo lo jvinu be lo tsani bei ko'a cu simsa lo jvinu be lo tsani bei la tatu,In pe se ra'i la luk skAI,ualkr po lo pa moi skina pe po'i la'o gy Star Wars gy

ni'o lo du'u lo plini ka'e co'e lo su'o re tarci ciste kei cu se manci du'o la konatskis .i zi'o cu fadni lo ka su'o re mei tarci ciste kei lo'i tarci co jibni be le solri .i su'a loi su'o re mei tarci ciste cu zmadu loi pa mei tarci ciste lo ka klani kei li ji'i re no ce'i .i ku'i pu je ca ku so'e plini be loi na'e solri cu ba'o se zgana ta'i lo nu sisku lo ka slilu kei lo'i tarci .i lo nunslilu cu selri'a lo zu'o loi solri cu juntytri lo plini be ri .i lo tadji cu sadme'a ma'i loi su'o re mei tarci ciste .i lo si'o lo nu loi plini cu se zbasu zi'o vi lo jai ma'i go'i cu tolyla'e cu cabna ve ti'icki .i la konatskis facki lo du'u lo plini ka'e se zgana ta'i lo nu merli lo nilsutra joi farna pe ro dacti be ma'i lo su'o re mei tarci ciste

lo nuzba zo'u lo dafcau nabmi be la ainctain bei lo panpi tertu'i selkri cu tolmipri

2005-07-11T16:29:00.000-04:00

ni'o lo xatra be lo ponjo pendo bei la albert ainctain goi ko'a be'o poi na pu se gubgau cu ciksi lo nu ri bandu ri se ra'a lo ratydi'e jbama nungunta be fi la xirocymas ce la nagasakis be'o noi cumbi'o se ja'e lo selgu'a be ko'a

ni'o la sei,eis cino'aras poi nau morsi cu fanva fi lo do'orbau lo ponbau gi'e pijyskepre gi'e ru'i se xatra fi la ainctain ca'o lo fanmo nanca poi ko'a ze'a ke'a jmive .i lo sy cy fetspe cu jdice lo du'u gubgau loi xatra .i mu'i bo ba zi detke'u lo re po'o ratydi'e nungunta ku li xa no

ni'o lo du'u la ainctain cu fapro lo ratydi'e nunjamna cu gubni selju'o .i je ku'i loi xatra be la cino'aras bei ko'a cu ciksi lo nu ko'a troci lo nu matygau lo ri panpi tertu'i selkri lo ri zu'o saske gunka .i lo nu xatra simta'a cu cfari de'i li 1953 .i ca zi bo la cino'aras cu te xatra la ainstain fo lo se du'u cy tolzaupai ko'a lo du'u ko'a pagbu zbasu loi ratydi'e xarci .i ko'a spuda te xatra fo la'e di'e se pi'o lo penbi ti'a lo se batkyci'a xatra .i lo dotco panra be lu mi pu ro roi faprysku lo nu gunta lo pongu'e se pi'o lo jbama be lo ratydi'e .i je ku'i mi na ka'e zukte fi lo nu fanta lo nu le ja'erkai cu pu se jdice li'u cu ve xatra la cino'aras la ainctain

ni'o lo cabna'a cu detke'u lo nu la ainctain cu ti'icki lo si'o kamsorselmanri kei kei li pa no no .i lo si'o kamsorselmanri cu tcevajni lo pu'u lo mergu'e cu zbasu lo jbama be lo ratydi'e .i lo nu gunta la xirocymas cu rinka lo nu mrobi'o fa ji'i 140 ki'o prenu poi xadba loi xabju .i lo nu gunta la nagasakis cu rinka lo nu mrobi'o fa za'u 70 ki'o prenu ba ze'a lo djedi be li ci .i lo dotco panra be lu pe'i lo du'u lo fanta selri'a ba jinga kei e lo du'u lo ka terdi jecta snura cu ba sutra banro kei e no drata cu jdikygau lo li'i mi badri lo nu loi jbama be lo ratydi'e cu se zbasu li'u za'u re'u ve xatra fi la ainctain .i je ku'i la ainctain noi lo du'u ke'a xebro lo ka se krasi cu mukti lo nu ke'a cliva lo do'orgu'e de'i li 1933 cu cusku ji'a lo se du'u so'o roi zanru lo nunjamna .i lo dotco panra be lu mi pu ciska ge nai lo se du'u mi panpi tertu'i ke ba'e mulno krici gi lo se du'u mi pu je ca ro roi panpi tertu'i ke ba'e selbirti krici .i pe'i la'e di'u cu se smuni lo du'u so'o roi bilga lo nu jamna kei mu'u lo nu mi fapro da poi zukte fi lo nu daspo mi joi lo mi natmi li'u cu se ciska ko'a

lo nuzba zo'u la soluanas na xarpei lo nu lo ropno ke seltra jicmu be ma'i lo nu la irAn capru lo ratydi'e nejni cu ba se stika

2005-06-28T15:47:00.000-04:00

ni'o la xavIEr soluanas goi ko'a zi'e poi ralja'a lo drata jecta ke seltra jicmu po lo ropno jecta gunma cu jdice lo du'u ri ba na'e suksa stika lo ri jicmu co seltra be fi lo nu la irAn cupra lo ratydi'e nejni kei kei ca lo pavdei ba lo nu cuxna la maxmud axmadinedjad lo'i jecta ralja'a djica ca lo jefyfa'o .i ry jy gy cu pu je ba sarxe la xasan roxanis poi ralju jansu be la irAn bei fo lo ratydi'e nejni be'o ku'o lo ka tertu'i ne'i la jynev ca lo nu lo mumymasti cu ca'o mulbi'o kei cu'u ko'a .i lu mi'a pu za friti lo nu se cumki lo nu mi'a stidi da poi kamtcila ku'o lo turni be la irAn ca lo nu lo zelmasti cu ca'o mulbi'o kei te zu'e lo nu ty lanli sy .i no da nau mukti lo nu mi'a stika li'u se cusku ko'a lo karnysku

ni'o ne'i la uacintyn ca lo zeldei la gerard creder poi dotco ralja'a cu cusku lo nu ry jy gy cu bilga lo nu stidi da poi cnino ku'o te zu'e lo nu sisti lo nu toltu'i la irAn fo lo ri ratydi'e nejni selpla .i je ku'i la soluanas cusku lo du'u cy tavla fi lo mintu selpla no'u lo nu stidi da poi cnino ku'o ca lo zelmasti .i lu lo selti'i be la creder zo'u na'e cnino .i mi'a jdice lo du'u stidi lo mintu kei de'i li 5 pi'e 25 ne'i la jynev .i ba bo mi'a penmi la roxanis gi'e friti .i fi lo se jdice fa lo dotco ralja'a cu tavla li'u se cusku ko'a

ni'o la banli ci mei pe ry jy gy ge'u no'u lo ritygu'e e lo fasygu'e e lo dotygu'e cu tavla la irAn lo nu ri sisti lo nu platu fi lo nu cumpo'igau lo jinmrvurani .i lo go'i joi lo mergu'e cu jinvi lo du'u lo selpla cu tolstace velmipri lo nu zbasu lo ratydi'e xarci kei vo'a .i la irAn noi vo moi be loi gugde bei lo ni vecnu lo ctile cu cusku lo se du'u lo nu lo ni dikca cu bazbi'o cu terzu'e lo zu'o platu

lo nuzba zo'u la kalifornias cu pilno lo kanba lo nu sisti lo nu lo numfagri cu tolrinju

2005-06-25T21:12:00.000-04:00

ni'o ne'i la kalifornias so'o kilto be lo kanba cu sidju lo nu fanta lo nu loi numfagri cu tolrinju .i ne'i la san fransiskos ne se tu'i so'i cmama'a ge'u bi'i lo nurma ku lo tumpo'e e lo kagni e lo catni vu'o pe la kalifornias cu jibypli le tcexagji danlu lo nu citka lo srasu joi cmatricu ku noi fagri ke'a

ni'o ca lo prulamna'a ku za'u 5500 da cu fagri lo tumla pe se la'u za'u 168 ki'o kramu pe ne'i lo merko gugypau poi traji lo ka nilxa'u

ni'o lu la kalifornias cu pilno lo kanba e so'o drata ji'a .i lo go'i cu troci lo nu pilno ro da poi vo'a ka'e pilno ke'a li'u se cusku la maikl djarvis poi skuka'i ca'i lo jectrukamni be se ca'i lo ricfoi e lo nunynurgau be fi lo fagri be'o ku vu'o po la kalifornias ku'o lo karnysku ca lo prulamjeftu

ni'o lo kanba cu citka lo spati poi kanro banro ne'i pi ro lo gugypau se ja'e lo tcecarvi dunra

lo nuzba zo'u lo ka masno banro cu pagbu ji'esti loi cipnrmo,a

2005-06-17T09:29:00.000-04:00

lo nuzba zo'u lo ka masno banro cu pagbu ji'esti loi cipnrmo,a goi ko'a .i cumki fa lo nu lo pu'u loi cipnrmo,a ne lo gugdrniuzilanda ge'u noi tcebra je nalpusyvofli cu se ji'esti cu se sutmaugau lo ka ko'a ze'u ma'urbi'o .i lo certu cu krici la'e di'u

lo brito joi gugdrniuzilanda skepre cu tadni lo nunba'o djine po'e lo tuple bongu po'e ko'a .i ta'o lo se go'i cu simsa lo trice nunba'o djine .i ta'o nai facki la'e di'e .i tu'e lo pu'u ko'a cu banro lo ka mulno cu nanca li ji'i pa no .i lo pu'u ko'a cu cinse makcu binxo cu nanca za'u so'o tu'u .i tu'e ja'e bo lo remna poi pa re'u klama lo gugdrniuzilanda de'i li ji'i 1300 cu frili kalte ko'a .i lo kalte cu cumki ke frili ji'esti ko'a ta'i lo nu xatra ko'a pu lo nu ko'a ka'e rirni binxo tu'u .i la'e di'u cu se xusra lo skepre gi'e se karni la'o gy Nature gy

ni'o la sam turvis joi lo ri gunkansa pe la dalske girzu pe la londyn cu darlu lo si'o lo ko'a ka masno banro cu jalge lo steci ke jmive platu .i ra cumki ka'ergau ko'a lo ka rorci so'u barda verba .i lo nu lo te go'i cu snada cu jalge lo nu ko'a xabju lo daplu gi'e se bradi lo cipni poi cmima la'i la'o ly Accipitridae ly poi lazyjutsi ku'o ku'o po'o .i lo tcini cu galfi ca lo nu lo natmrmA,ori cu klama de'i li ji'i 1300

lu lo cipnrmo,a cu jibni ckini so'i cipni poi ca'o jmive zi'e poi cmima la'i la'o ly Struthioniformes ly noi grijutsi .i la'e di'u mlugau lo ka ro cipni cu kakne lo nu xagmaugau farvi ta'i lo pu'u masno banro .i je ku'i lo nu sutra rorci cu se basna cu jalge lo nu lo cipni cu farvi fi'o kansa lo kalte be ra li'u cu se cusku la turvis

lo nuzba zo'u troci lo nu nurgau lo bangu lo nu lo ni ri se baupli cu jdika

2005-06-02T11:16:00.000-04:00

ni'o lo vlastocku po pa bemro krabau poi lo nu ke'a bangu cu nanca ji'i li 5000 zi'e poi nau bangu so'u prenu cu pu'o se finti

ni'o lo bangrnu'utcanultu goi ko'a cu bangu 300 prenu poi se natmi lo bemro kranai poi xabju lo stici kadnygu'e .i ku'i ko'a bangu so'u citno cmima be lu'i lo cecmu poi xabju la vankuvyr poi daplu .i lo balcu'e ctuca poi jatna lo finti girzu cu pacna lo nu lo cukta cu sidju ko'a lo nu renvi ta'i lo nu sidju loi ctuca be fo ko'a

ni'o fe lo selvla be ji'i 7500 da cu vlastocku .i lo go'i cu jalge lo nu lo nu tadni ko'a cu nanca li pa mu .i ge lo nu tadni lo nu ko'a ca'o se banta'a ta'i ma kau gi lo selci'a be la eduard seipyr poi bantadni bei de'i ji'i li 1910

ni'o pa'a lu me'i pi pa lo natmi cu banta'a lo bangrnu'utcanultu li'u cu se cusku la djan stonym poi ctuca co balcu'e la niukasl ku'o lo karnysku be fo lo jondatnymu'e tcana co nuzba be fi la brito cradi je tivni kagni .i cusku lo se du'u lo ka ko'a pluja cu tceci'i lo'e bantadni .i cusku pa'a lu .ue lo mulno bo glico jufra cu xe fanva pa valsi .i da poi sidbo zo'u ji'a .ue sai da cu xe fanva pa slaka .i mu'a pa slaka cu skicu lo za'i lo ninmu cu sepli ca lo nu lo nakspe cu ca'o kalte li'u

ni'o la stonym cu pacna lo nu lo nu lo vlastocku cu zasti kei ba ve xlura lo ctuca ku lo nu pilno ko'a ne'i lo kulku'a .i ji'a pacna lo nu lo dzena cu se xlura fi lo nu ctuca lo seldze ko'a

lo nuzba zo'u lo terxa'i girzu ralju no'u la zarka,uis cu se xrani ne'i lo raksygu'e

2005-05-24T17:05:00.000-04:00

ni'o la abuv musab al zarka,uis noi ralju la kA,idas ne'i lo raksygu'e zi'e noi mutce se sisku lo merko cu ba'o se xrani ve cu'u lo jondatnymu'e tcana notci ku pe de'i lo reldei i la'e di'u nu'o jalge lo nu loi jamna be lo truci'e cu co'a tsajdika i lo nu jamna cu ca nanca li re

lo nuzba zo'u la kuomintan noi gugdrtai,uana .e lo jugygu'e cu sisti lo nu terbradi ra'i lo nerkempavgu'e nunjamna

2005-04-30T16:38:00.000-04:00

ni'o lo gugdrtai,uana ke fapro trusragri jatna no'u la lien tcan ge'u .e lo jungo ralja'a no'u la xud djin taus ge'u cu sisti lo nu terbradi noi dekna'a li so'o .i lo nu go'i cu selsinxa lo sampu ke simxu ke xance nunjgari ne'i la selgu'e ke banli kumfa vi la beidjin .i loi simxu bradi be fi lo nerkempavgu'e nunjamna cu simxu tugni fo lo nu gunka fe ge lo nu sisti lo nu terbradi be la kuomintan noi trusragri bei lo jungo ke gunka trusragri gi lo nu rivbi lo bilni nunjamna ne'i la tai,uan poi naxle ku'o noi mutce ckape nu'orjamna ma'i lo xazdo kei ba'o lo nunpenmi noi cacra li re zi'e poi lo re mei cu skicu fo lo ka pendo je stace

ni'o sei sa'a se karni le'a lo si'o nuzba

re moi cipra la bloger.

2005-04-13T15:02:00.000-04:00

.a'o sai fe lo cipra cu fanmo

cipra la bloger.

2005-04-13T13:57:00.000-04:00

.i mi cipra la bloger. .i ju'o cu'i mi pilno la bloger. .e nai la treliks.

lo nuzba zo'u vlile ne'i la mausil. ca lo nu la rumsfeld. vitke

2005-04-12T15:13:00.000-04:00

ni'o tu'e su'o mu rakso prenu cu se catra .i je bo ze ri cu se xrani .i ri'a bo lo karce jbama nungunta cu re mei tu'u .i lo jei lo merko prenu cu se catra ja se xrani cu na se djuno .i le nungunta poi pu zi selski cu fasnu ca'o lo nu la danyld. rumsfeld. noi merko catni lo nunbandu ku'o cu spaji vitke fi la bagdad. .i dy ry cu platu lo nu ba za vitke fi la mausil ca lo reldei .i ca'o lo nu dy ry tavla la .ibra'im. dja'afarit. noi pu'o rakso ralju bo catni kei ku dy ry cusku lo se du'u lo nu za'o nai finti lo jicmu flalu de'i lo dubjavme'a be li bi pi pa mu be'o poi se platu cu mutce vajni .i ji'a dy ry minde loi rakso ke cnino catni lo nu vimcu ro lo jecta zekri ku noi ka'e rinka lo za'i lo cnino truci'e ku .e lo ri pulji cu na se lacri .i ca'o ku lo truci'e be fi lo gugdrpolska cu ba'o jdice lo nu vimcu ro lo ri pa ze no no sonci lo raksygu'e pu lo nu fanmo be lo cabna'a

lo nuzba zo'u lo fapro trusragri pe lo gugdrkirgizi cu cuxna lo jecta ralja'a .i je bo la .aka,ief. xarnu

2005-03-25T15:20:00.000-05:00

ni'o lo fapro trusragri pe lo gugdrkirgizi ku ku goi ko'a cu cuxna lo cnino je zasni jecta bo ralja'a ca lo mumdei ba nu'i lo nu tcesutra lebna lo ka catni ku kei la'u lo djedi nu'u .i ca bo lo se vimcu jatna co'u gubni smaji gi'e te mabla ko'a lo bangrkirgizi panra be lu ca'idji je zeigri li'u

lo nuzba zo'u lo brogu'e cu fanta lo nu lo co'a xabju cu klama te zu'e lo nu ralte la gazas.

2005-03-18T15:21:00.001-05:00

ni'o lo brogu'e cu fanta lo nu lo ri prenu co'a xabju lo xebnai tcadu pe la gazas. poi gugypau kei te zu'e lo nu fanta lo selte'a nu lo tcenaijgi cu klama xy. ty. te zu'e lo nu zunti lo nu loi sonci cu se vimcu fi lo selra'e gugypau ca lo bavlamcrisa

fi'i ro do

2005-03-17T15:22:00.000-05:00

ni'o lo vi detcku ba se ciska bau la lojban. po'o .i la'e di'u se smuni lo du'u lo so'u mei ba vi se ciska .i ri'a bo la lojban. ca ca'o fange mi .i mi platu lo nu zerle'a je fanva lo nuzba .i je ku'i ju'o cu'i ji'a mi ba ciska lo drata .i fe'o