la laxma'i spaji spaji

a bilingual blog in Lojban and English · una bitácora bilingüe en lojban e inglés
un blog bilingue en lojban et anglais · ein zweisprachiger Blog auf Lojban und Englisch
relbau prekarni bau lo lojbo e lo glico

2008-05-31

co'a fanmo : The beginning of the end

ni'o mi morji lo du'u mi se jenca je se cinri lo du'u pi so'a lo nolrai lanzu pe la nepal cu se catra kei poi mi cradi tirna se jungau fi ke'a

i mi se mojgau ve cu'u la uikipedias fi le du'u lo bi'u nai nuncatra cu fasnu de'i li re no no pa pi'e no xa pi'e no pa i va'o lo vacysai nunjmaji be bu'u lo nolraizda la poi nolraibe'a dipendras goi ko'a cu darlu fapro la noi nolraispe aicuarias noi mamta ko'a ku'o lo nu ko'a djica lo nu spebi'o la devianis ranas i ko'a binxo lo xalfekpre i je ba bo la noi nolraitru birendras noi patfu ko'a cu cpedu lo nu ko'a cliva i je ba bo la noi nolraibe'a niradjan noi bruna ko'a ku'o e la noi nolraiseldze paras noi tamne ko'a cu kansa ko'a lo nu ko'a klama lo kumfa pe vo'a

i ko'a ba za lo cacra cu xrukla lo jubme fi'o se bevri lo xumjimcelxa'i i je ba bo ko'a co'a gunta i ko'a catra lo patfu be ko'a be'o e re fetfamti be ko'a be'o e re nakfamti be ko'a be'o e pa tamne be ko'a be'o e lo mamta be ko'a be'o e lo mensi be ko'a be'o e lo bruna be ko'a i la paras fanta lo nu ci prenu cu se catra kei ta'i lo nu gairgau lo sfofa py i je ba bo la dipendras dzukla lo cripu be bu'u lo tumla be re'o lo nolraizda gi'e gunta vo'a

i lo cizra zo'u ca lo nu ko'a ca'o tolsanji mrobi'o kei ko'a flalu nolraitru la nepal ki'u lo nu ko'a pu cerda fi lo nolraitru i ga nai ko'a pu renvi da'i gi ko'a rivbi da'i lo nu ko'a flalu se pajni kei ki'u lo nu ko'a se lanzu lo nolrai i da'i nai ko'a ba za lo djedi be li ci cu mrobi'o gi'e lidne la gianendras noi pafybu'a ko'a

i ve cu'u la'o zoi Telegraph zoi cu xusra lo du'u lo tarmafpre cu xusra lo du'u ga nai la dipendras cu spebi'o pu lo nu ko'a nanca li ci mu gi lo nolraitru cu mrobi'o i je lo du'u ko'a pu mipri spebi'o la devianis cu velji'icau se xusra i ko'a ca lo nu ko'a mrobi'o cu nanca li re so
I recall the shock and fascination I felt when I heard on the radio about the massacre of the Nepali royal family.

Wikipedia reminds me that it occurred on 1st June 2001. At a dinner party in the palace, Prince Dipendra quarrelled with his mother Queen Aiswarya about his desire to marry Devyani Rana. He became drunk, was asked by his father King Birendra to leave, and was escorted to his room by his brother Prince Nirajan and his cousin Prince Paras.

An hour later he returned to the table with a gun and started shooting. He killed his father, two aunts, two uncles, a cousin, his mother, his sister, and his brother. Paras saved three people by covering them with a sofa. Dipendra then walked over a bridge on the palace grounds and shot himself.

Oddly, as he lay in a coma dying, he was technically King of Nepal, as he had been the heir. If he had survived, he was immune from prosecution as a member of the royal family. He died three days later and was succeeded by his uncle Gyanendra.

The Telegraph claimed that astrologers had predicted that if Dipendra had married before age 35, the king would die. And there were rumors that he had secretly married Devyani. He was 29 when he died.

Labels: ,

3 Comments:

Anonymous xorxes said...

lo tarmafpre cu xusra lo du'u ga nai la dipendras cu spebi'o pu lo nu ko'a nanca li ci mu gi lo nolraitru cu mrobi'o

.u'i darsi funxusra .i xu lo tartcidu pu xusra lo du'u lo nolraitru cu mrobi'o za ma kau ba lo nu la dipendras cu spebi'o .i la'a ro da pu djuno lo du'u gu dy spebi'o gi ny mrobi'o ca da

02 June, 2008 15:50  
Blogger komfo,amonan said...

u'i o'a nai mi pu zgana au da'i lo du'u lo valsi cu tolcre se cuxna i je ku'i cumki fa lo nu lo bi'u nai valsi cu tolcre xe ba'e fanva

i ve cu'u la'e ti se xusra fa lo du'u lo bi'u nai selxu'a be lo za'e tarfanva cu na fasnu da'i nai jo nai jitfa

i mi ba gafygau lo se ra'a selci'a e ji'a lo cmene be ri

02 June, 2008 22:13  
Blogger komfo,amonan said...

y mi pu djisku lu ve cu'u la'e ti se xusra fa lo du'u go nai lo nu lo tarfanva cu xusra da bi'u nai cu na fasnu gi da jitfa li'u i pe'i ri drani je filseljmi a'o

03 June, 2008 09:48  

Post a Comment

Subscribe to Post Comments [Atom]

Links to this post:

Create a Link

<< Home